Mattiu 19:17 - Tedim Bible

¹⁷ Zeisu in, “Bang hangin kei kiangah phatna thu hong dong na hi hiam? Mipha khat bek a om hi. Ahih hangin nuntakna sungah na tum nop leh, thukhamte na tang in,” a ci hi.

Tedim Bible Revision 2017

¹⁷ Jesu in, “Bang hangin bang hoih hiam cih thu hong dong na hi hiam? A hoih khat bek om hi. Nuntak tawntungna sungah na lut nop leh thukhamte na zui in,” ci-in a dawng hi.

Mattiu 19:17 Referans Kwoze

Siampi Laibu 18:5

Tua ahih ciangin note in ka thukhamte leh ka biakna ngeina kipte na zui ding uh hi; tuate a zui mi-in nungta ding hi. Keimah in Topa ka hi hi.

ROM (Romans) 10:5

Moses in, “Thukham tawh a kipawl dikna thu a zuite in, tua dikna thu bangin a nungta ding hi,” ci-in a gelh hi.

1 SAMUEL MASA 2:2

“Topa bangin a siangtho kuamah om lo a, nang sim loh kuamah dang om lo hi; i Pasian tawh a kibang hong hu zo Suangpi dang om lo hi.

1 JOHAN MASA 4:16

Pasian in eite hong itna thu eite in thei-in i um zo hi. Pasian in itna ahi hi. Itna sungah a om mi in Pasian sungah a om hi. Pasian in zong tua mi sungah a om hi.

Ezekiel 20:21

“Ahi zongin a tate nangawn un kei hong dem uh hi. A zuite in nuntakna a ngah nading ahi ka thukhamte palsatin, ka thupiaknate mang lo uh a, sabbathte siasak uh hi. Tua ahih manin, ka hehna teng gamlakah thuaksak gawpin, amaute a sumai dingin ka kithawi hi.

Nehemiah 9:29

Tua hi a, na thukham lamah amaute hong kihei kik nading lim takin amaute na hilhkhol a, ahi zongin amaute kihisakin na thupiaknate don lo uh hi; a zuite tungah nuntakna a pia thei ahi na ngeina kip tungah amaute khial uh hi. Lung khauhin phengphi-in amaute kiheikhia uh a, thu mang nuam lo uh hi.

Jeim 1:17

A pha a kicing hong piak thupha a om khempeuh in khuavakna’ Pa kiang vantung panin hong pai uh hi. Tua pa in kikheel lo tham loin, kihei-in a lim zong a kiasak kei hi.

Late 52:1

Mi thahatpa aw, bang hangin miphate suksiatna-ah kiphasak na hi hiam? Sunthapai-in nang in suksiatna na ngaihsun hi.

Late 119:68

Nangmah na hoih a, a hoih nate na sem hi; na ngeina kipte kei hong hilh in.