Mattiu 19:16 - Tedim Bible

¹⁶ Tua lai takin mi khat in Zeisu kiangah va nai a, “Sia aw, nuntak tawntungna ka ngah nadingin, a pha bang ka bawl ding hiam?” ci-a a dot ciangin,

Tedim Bible Revision 2017

¹⁶ Khat vei, Jesu kiangah mi khat hong pai a, “Sia aw, nuntak tawntungna ka ngah nadingin bang gamtat hoih gamta ding ka hi hiam?” ci-in a hong dong hi.

Mattiu 19:16 Referans Kwoze

Juda 1:21

nuntak tawntungna ngah nadingin i Topa Zeisu Khazih’ hehpihna na ngak lai takun, Pasian’ itna sungah na pumpi uh kemin om un.

Johan 3:15

Bang hang hiam na cih leh, amah a um mi khempeuh in nuntak tawntungna a ngah nading uh ahi hi.”

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.

1 JOHAN MASA 1:2

Tua nuntakna hong kilang zo a, kote in zong ka mu zo uh a, Pa tawh omkhawm ngei-in, kote kiangah hong kilangsa tua nuntak tawntungna thu, note kiangah teci pangin kong hilh uh hi.

Mattiu 25:46

Tua mite in tawntung gimna thuak dingin a paikhia ding uh hi. Miphate ahih uh leh, nuntak tawntungna ngah dingin a paikhia ding uh hi,” ci-in thu a hilh hi.

Titu 3:7

Pasian’ hehpihna thupha hangin diktan’sakna i ngah khit ciangin nuntak tawntungna lametna bangin a luah mite i hih nading ahi hi.

1 JOHAN MASA 2:25

Eite a hong piak thuciamna in nuntak tawntungna kiciamna ahi hi.

1 TIMOTI MASA 6:12

Upna thu tawh kipawl galdona a pha na do in. Nuntak tawntungna na len in. Tua nuntakna ngah dingin nang in hong sapna na ngah a, teci tampite maiah na pang ngei hi.

Sawltak 16:30

Amah in amaute inn pua-ah a paipih khit ciangin, “Tote aw, gupna ngah nadingin bang ka hih ding hiam?” ci-in a dong hi.

ROM (Romans) 5:21

Tua ahih ciangin mawhna in sihna a pian’sak mah bangin hehpihna in i Topa Zeisu Khazih hangin dikna piangsak a, nuntak tawntungna hong ngah sak hi.

ROM (Romans) 2:7

A pha lamsang ah gamta a, minthan’na, zahtakna, leh muat lohna a zong mite nuntak tawntungna a pia ding hi.

Johan 12:25

Ama nuntakna a itte in nuntakna a mangthangsak ding hi. Hih leitungah a nuntakna a mudahte in nuntak tawntungna a nei ding hi.

Johan 10:28

Keimah in amaute nuntak tawntungna ka pia a, cikmah ciangin a kisia kei ding uh hi. Kuamah in ka tuute ka khut sung pan hong sut zo kei ding hi.

Johan 6:68

Simon Piter in, “Topa aw, kote in kua kiangah pai ding ka hi uh hiam?

Johan 6:47

Vantung pan hong paipa in Pa a mu zo hi. Ke’n aman takpi kong cih-inah, a hong umte in nuntak tawntungna a nei uh hi.

Johan 5:39

Lai Siangtho hangah nuntak tawntungna ngah nung ci-in na up manunah Lai Siangtho na tel et uh hi. Hih Lai Siangtho in keima ading teci ahi hi.

Johan 4:14

Ahih hangin ke’n ka piak tui a dawnte in a tawntungin a dangtak nawn kei ding hi. Ke’n ka piaksa tui in tua mi sungah nuntak tawntungna tuikhukin a piang ding hi,” a ci hi.

Mattiu 19:29

Kei min hangin a inn, a sanggampa, a sanggamnu, a nu a pa, a tate, tua teng a nusiate khempeuh in a zah zakhat ngah a, nuntak tawntungna a luah ding uh hi.

Daniel 12:2

A sisa mi tampite in nuntakna a ngah kik ding uh hi. Pawl khatte in nungta tawntung ding uh a, pawl khatte in a tawntung zumna leh minsiatna a ngah ding uh hi.

1 TIMOTI MASA 1:16

Ahih hangin nuntak tawntungna ngah ding, a nung ciangin a um ding mite’ zuih ding lim ka hih nadingin mawhna a lianbel a nei keima tungah, Khazih in ama thuakzawhna lungsim khempeuh hong lah nadingin kei hong hehpih zo hi.

Mattiu 19:26

Zeisu in amaute enin, “Hih thu mite in ahih zo kei uh hi. Ahih hangin Pasian in na khempeuh ahih thei hi,” a ci hi.

Mattiu 19:15

Naupangte tungah a khut a ngak khit ciangin, tua mun panin a paikhia hi.