Mattiu 19:14 - Tedim Bible

¹⁴ Zeisu in, “Naupangte omsak ta un. Ka kiangah hong pai ding uh kham kei un. Bang hang hiam na cih uh leh, Vantung Gam in tua bangte gam ahi hi,” a ci hi.

Tedim Bible Revision 2017

¹⁴ Jesu in, “Vantung ki-ukna pen naupangte tawh a kibang mite ading ahih manin, tua naupangte ka kiangah hong paipihsak unla, khaktan kei un,” a ci hi.

Mattiu 19:14 Referans Kwoze

Mattiu 18:3

“Ke’n aman takpi kong cih-inah na kikheel uh a, hih naupangno bang na suah kei uh leh, Vantung Gam sungah na tum zo kei ding uh hi.

1 KORIN MASA 14:20

Ute naute aw, pilna lamah naupang bang kei un. Gitlohna lamah nawine naungeek bang un. Lungpilna lamah a khan’ khinte bang un.

Marka 10:14

Zeisu in a muh ciangin heh a, “Naupangte omsak ta un. Ka kiangah hong pai ding uh kham kei un. Bang hang hiam na cih uh leh, Pasian Gam in tua bangte gam ahi hi.

Mattiu 11:25

Tua ciangin Zeisu in, “Vantung leh leitung a uk ka Pa aw, nangmah in hih nate mipilte leh misiamte kiangah im-inah, naupangte tungah lak na hih ciangin na hehpihna ka phat hi.

1 SAMUEL MASA 1:11

Amah in thuciamna khat bawlin, “Mihonte’ Topa aw, nangmah in na nasemnu’ gimna nong et takpi a, keimah hong phawkin na nasemnu hong mangngilh loin na nasemnu tungah tapa khat nong piak leh, Topa tungah a khan’ tawntungin amah ka pia ding a, ama lu-ah mulkiatna kitah lo ding hi,” a ci hi.

Thukhente 13:7

ahih hangin amah in kei kiangah, ‘En in, nang gai-in tapa khat na nei ding hi; tua ahih ciangin leenggahzu ahi a, kham theih zu ahi zongin dawnkei in la, a nin bangmah ne kei in; bang hang hiam cih leh naupang in a suah-a kipan a sih dong Pasian’ tungah Nazir mi hi ding hi,” a ci hi.

1 SAMUEL MASA 2:18

Samuel in saihadial siampi puan silhin Topa mai-ah na a sem naupang khat ahi hi.

1 SAMUEL MASA 1:24

Numei in amah nawi tawh a kikhensak khit ciangin kum thum a pha bawngtal khat, annel seu khat, leh leenggahzu savun thawl khat tawh amah la hi; tua ciangin Shiloh-a Topa’ inn-ah amah paipih hi; a naupang khangmoi hi.

Piancilna 21:4

Pasian in ama' tunga a thu piaksa bangin amah in ni giat a phak ciangin Abraham in a tapa Isaak a vun at hi.

1 SAMUEL MASA 1:22

Ahih hangin Hannah paito lo hi; bang hang hiam cih leh amah in a pasal kiangah, “Naungek nawi tawh a kikhen phetin Topa’ omna mai-ah kilakin tua lai-ah a om tawntung dingin ka paipih ding hi,” a ci hi.

Mattiu 5:3

“Lungsim niamkhiatte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.”

Mattiu 5:10

“Dikna thu hanga bawlsiatna a thuakte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.

Mattiu 19:15

Naupangte tungah a khut a ngak khit ciangin, tua mun panin a paikhia hi.

Marka 10:15

Ke’n aman takpi kong cih-inah, naupang bangin Pasian Gam a sang lo mi peuhmah in tua gam sungah a lut kei ding uh hi,’ ci-in thu a gen hi.