Mattiu 18:4 - Tedim Bible

⁴ Tua ahih ciangin, naupang mah bangin lungsim a kiniamsakte in, Vantung Gam sungah a lianbel ahi ding hi.

Tedim Bible Revision 2017

⁴ Hih naupang bangin a kiniamkhiat mite, vantung ki-ukna sungah a lianpen hi ding hi.

Mattiu 18:4 Referans Kwoze

Jeim 4:10

Topa mai-ah na kiniamkhiat un. Tua bang na hih uh leh, amah in note hong pahtawi ding hi.

Luka 14:11

Bang hang hiam na cih uh leh, ama pumpi a phat mi khempeuh in niamkhiatna a ngah ding uh hi. A kiniamkhiat mi in minphatna a ngah ding uh hi,” a ci hi.

Marka 10:43

Note lakah tua bang a hi kei ding hi. Note lakah milian a suak nuamte in nomau nasem suak uh hen.

Luka 9:48

“Keima min tawh hih naupangno a ngai peuhmah in, kei zong hong ngai hi. Bang hang hiam na cih uh leh, note lakah a neu penpa in milian ahi ding hi,” a ci hi.

1 PETER MASA 5:5

Tua mah bangin khangnote aw, a khan’ sawt upate ukna na mang un. Ahi hi. Note khempeuh in khat leh khat na kizep nadingun kiniamsakna na silh un. Bang hang hiam na cih uh leh, “Pasian in a kisatheite a kham hi; a lungniamsakte kiangah hehpihna thupha a pia hi.”

Mattiu 18:1

Tua lai takin a nungzuite in Zeisu kiangah va nai uh a, “Vantung Gam sungah kua a lian bel ding hiam?” ci-in a dong uh hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Mattiu 18:3

“Ke’n aman takpi kong cih-inah na kikheel uh a, hih naupangno bang na suah kei uh leh, Vantung Gam sungah na tum zo kei ding uh hi.

Mattiu 18:5

Keima min hangah hih bang naupangno khat a ngai peuhmah in kei zong hong ngai hi.”

Marka 9:34

pau loin a om uh hi. Bang hang hiam i cih leh, kua lianbel hiam ci-in lampi-ah khat leh khat a kiseel uh hi.