Mattiu 18:19 - Tedim Bible

¹⁹ Khatvei kong gen kikinah, leitungah note nih kithutuak a, thu na nget uh leh, na nget khempeuh vantung khua-ah a om ka Pa in hong pia ding hi.

Tedim Bible Revision 2017

¹⁹ Leitungah note nih thukimin na nget uh na khat peuhpeuh, vantungah a om ka Pa in hong pia ding hi.

Mattiu 18:19 Referans Kwoze

Mattiu 7:7

“Ngen un. Na nget uh leh, hong pia ding hi. Zong un. Na zon’ uh leh, na mu ding uh hi. Kongkhak na kiu un. Na kiuh uh leh, hong hon’ ding hi.

Marka 11:24

Tua ahih ciangin, ke’n kong cih-inah thu ngen a, na nget khempeuh uh ngah ding cih na up uh leh, na ngah ding uh hi.

Johan 16:23

Tua ni ciangin kei kiangah bangmah nong dong kei ding uh hi. Ke’n aman takpi kong cih-inah, note in keima min tawh Pa kiangah thu na nget khempeuh uh a hong pia ding hi.

Filippi 1:19

Bang hang hiam na cih uh leh, keimah in bangmah maizum loin, launa om loin, Khazih’ minthan’na ka pumpi sungah ka kilatsak tawntung mah bangin tu-in zong ka hing ahi zongin, ka si ahi zongin a kilang ding hi ci-in nakpi-in ka lamet mah bangin, note’ thungetna hang ahi zongin, Zeisu Khirs’ Kha Siangtho huhna hang ahi zongin, ka gimnate in kei hong gupna thu ahi hi ci-in ka thei hi.

Mattiu 21:22

Upna tawh thu na nget uh leh, na nget khempeuh uh na ngah ding uh hi,” a ci hi.

Johan 15:7

Kei sungah na om uh a, ka thu in note sungah a om leh, na ngetpeuh peuh uh na ngah ding uh hi.

1 JOHAN MASA 3:22

A piak thupiaknate zui-in, amah a lungdamsak ding nate i bawl maninah i ngetna peuhmah ama kiang pan i ngah hi.

Sawltak 12:5

Tua ahih ciangin Piter in thong sungah a om lai takin pawlpite in Pasian kiangah amah ading hahkatin thu a ngetsak uh hi.

Johan 15:16

Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

Sawltak 1:14

Tua mi khempeuhte in Zeisu’ nu Mari a kipan numeite leh Zeisu’ sanggamte tawh lungsim kikhatin thu a ngen niloh uh hi.

Mattiu 5:24

biakna tau mai-ah na biakna koih phot inla, ciah kik-in na sanggam tawh na kilem khit ciangin pai kik inla, biakna na pia in.

Sawltak 6:4

Kote ka hih uh leh, thungetna, leh thugenna ka hih niloh ding uh hi,” a ci uh hi.

Sawltak 16:10

Paul in mang a muh khit ciangin Makedonia gamah pai-in, amaute kiangah Lungdamna Thu hilh dingin Pasian in kote hong sawl zo hi ci-in ka ciamteh ka ngaihsun uh ahih ciangin, tua gamah thakhatin pai na’ng ka hanciam uh hi.