Mattiu 18:11 - Tedim Bible

¹¹ Bang hang hiam cih leh, amau’ vantung mite in, vantungah a om ka Pa’ maitang a mu niloh uh hi, ka ci hi. (Bang hang hiam na cih uh leh Mihing Tapa in a mangthang mite gumkhia dingin hong pai ahi hi).

Tedim Bible Revision 2017

¹¹ Bang hang hiam cih leh Mihing Tapa pen a mangthang mite a hon dingin a hong pai ahi hi.

Mattiu 18:11 Referans Kwoze

Luka 19:10

Bang hang hiam na cih uh leh, Mihing Tapa in a mangthang mite zong ding leh gum dingin hong pai ahi hi,” a ci hi.

Mattiu 18:12

Bangci na lungngai uh hiam? Tuu zakhat a neipa in, a tuu khat mangthang leh, tuu sawmkua-le-kua nusia a, mualtungah a mangthang tuu khat zong thei hilo ahi hiam?

Mattiu 9:12

Zeisu in a zak ciangin, “Cidamte in zato deih lo uh hi. Cinate bek in a deih uh hi.

Mattiu 10:6

Israel pawl a gammang tuute kiangah na pai zaw un,

Mattiu 15:24

Zeisu in, “Israel pawl a mangthang tuute longal adang mipawlte kiangah kei hong sawl lo hi,” a ci hi.

Luka 15:24

Bang hang hiam na cih uh leh, a sisa ka tapa a nungta kik hi. A mangsa ahih hangin tu-in kimu kik hi,’ ci-in a nasemte a sawl hi. Amaute in lungdamin pawi a kham uh hi.”

Luka 15:32

Ahih hangin, na nau ahih leh tuma-in a si hi, tu-in a nungta kik hi. Tuma-in a mang hi, tu-in a kimu kik ahih man-inah nopna leh lungdamna bawl tuak hi,’ ci-in a gen hi,” ci-in a hilh hi.

Johan 3:17

Bang hang hiam i cih leh, leitung mite’ thukhen dingin Pasian in a Tapa leitungah hong paisak kei hi. Leitung mite in amah hangin gupna a ngah nadingun a hong paisak hi.

Johan 10:10

Gutate in gu ding that ding leh susia ding longal a hong pai kei uh hi. Kei ka hih leh, tuute in nuntakna ngah tham loin nuntakna a dimtak a ngah nadingun kong pai hi.

Johan 12:47

Ka thu za a, a zui lo mi ke’n thu ka khen kei ding hi. Bang hang hiam na cih uh leh, leitung mite thu khen dingin hong pai ka hi kei hi. Leitung mite gum dingin hong pai ka hi hi.

1 TIMOTI MASA 1:15

Zeisu Khazih in mawhneite gum dingin leitungah hong paisuk hi, a cihna thu in thuman thutak hi a, a vekpi-in san’ ding a kilawm hi. Tua mawhnei mite lakah keimah in a mawhnei bel mi ka hi hi.