Mattiu 15:2 - Tedim Bible

² “Tanglai upate’ ngeina, na nungzuite in bang hangin palsat ahi uh hiam? Khut sil loin an a ne uh hi,” ci-in a ko uh hi.

Tedim Bible Revision 2017

² “Bang hangin na nungzuite in tangtawng pek panin a hong kihilh suksuk i pupa ngeinate zui lo uh ahi hiam? Amaute in an a nek ma-un a ngeina ding bangin a khut uh sil masa lo uh hi,” a ci uh hi.

Mattiu 15:2 Referans Kwoze

Luka 11:38

Zeisu in an a nek ma-in a kisil loh Farisaipa in a muh ciangin lamdang a sa hi.

Marka 7:2

a nungzui kimkhatte in a nin cihnopna, a kisil lo khut tawh an ne uh a mu uh hi.

Kolose 2:8

Khazih thu zui lo mite’ tangthu leh leitung thungeek zui-in, leitung pilna leh mawkna khempeuh hangin note kuamah in hong sut, hong bawlsiat theih loh nadingin kikem un.

1 PETER MASA 1:18

Na pute na pate’ ngeina uh ahi mawkna gamtatna pan kham leh ngun-a kipan a kisia thei sum tawh note hong tankhia ahi kei hi;

Marka 7:5

Farisaite leh laitheite in, “Tanglai upate’ ngeina na nungzuite in zui loin, khut nin tawh bang hangin an ne ahi uh hiam?” ci-in a dong uh hi.

Piancilna 1:14

Pasian in, “Sun leh zan a khen dingin vantungah khuavakte om hen; tuate pen pawi hun leh khua hun, ni leh kumte khen nading limte hi hen la,

Mattiu 15:3

Zeisu in, “Note in tanglai ngeina zui-in Pasian’ thukham bang hang palsat na hi uh hiam?

Galati 1:14

ka pu ka pate’ khut tung pan ka ngah ngeina siamin ka zuih zawk thu ahi zongin note in na thei uh hi.

Esther 3:3

Tua ciangin kumpipa huang sunga om kumpipa’ nasemte in Mordekai kiangah, “Bang hangin kumpipa’ thupiak mang lo na hi hiam?” a ci uh hi.