Mattiu 15:19 - Tedim Bible

¹⁹ A hoih lo ngaihsutna, mithahna, mi’ zi tungah mawhna, numei tawh mawhna, mi’ sum gukna, zuauthu teci pan’na, mi gensiatna, tuate in lungsim sung pan a paikhia hi.

Tedim Bible Revision 2017

¹⁹ Bang hang hiam cih leh lungsim panin mi thahnopna, mi zi tawh mawhnopna, nungak tawh mawhnopna, guktaakna, zuaugenna, mi gensiatna le ngaihsut hoih lo a tuamtuam hong piang khia hi.

Mattiu 15:19 Referans Kwoze

Jeremiah 17:9

“Lungsim in na khempeuh lakah a khem hatpen hi a, a kisia pha mahmah hi; kua in a thei thei ding hiam?

Paunak 4:23

Na lungsim ngaihsutnate in nuntakna nak hi a, na neihsa a manphapen bangin na kep ding ahi hi.

Piancilna 6:5

Leitungah mihing’ gitlohna a liatna leh mihing' lungsim ngaihsutna peuhmah a sia a hih ngitngetna thu Topa in mu hi.

Jeremiah 4:14

Jerusalem khua aw, nang hong kihotkhiat nadingin, na lungsim sung panin gitlohna sawpkhia in. Na sungah gitlohna lungsim bang tan vei kem cip ding na hi hiam?

Sawltak 8:22

Tua ahih ciangin na khialhna na kisikkik in la, na lungsim ngaihsutna a kimaisak nadingin Pasian kiangah thu na ngen in.

Isaiah 59:7

Siatna bekbek na gelgel uh a, na hih ding uh na ngaklah mahmah uh hi. Mawh nei lo mite sisan luan ding haksa na sa kei uh hi. Na paina khempeuh uhah siatna vive om kawikawi hi.

Isaiah 55:7

mi gilopa ama gitlohna nusia sak un la, thuman lopa ama ngaihsutna nusia sak un; amah in a hehpih theih nadingin Topa tung leh i Pasian tungah amah paikik sak un, bang hang hiam cih leh a mawhna maisiangsak ding hi.

Paunak 6:14

A lungsim-ah thusia bekbek ngaihsun niloh a, a omna peuh-ah buaina piangsak hi.

Late 119:113

Nangma sungah hong thuman lote ka mudah a, ahih hangin keimah in nangma thu ka deih hi.

ROM (Romans) 7:18

Ka sa ahi ka pum sungah a pha khat beek a om kei hi cih ka thei hi. Bang hang hiam na cih leh, a pha gamtat nopna lungsim ka neih hangin a pha gamtat theih nading ka mu kei hi.

Mattiu 9:4

Zeisu in amau lungsim a theih ciangin, “Na sin sung uhah hoih lohna thu bang hangin ngaihsun na hi uh hiam?

Piancilna 8:21

Topa in a namtui gimnam a nap ciangin, a lungsim sungah, “Mi’ hangin leitang ka samsiat kik ngei nawn kei ding hi, bang hang hiam cih leh mi’ lungsim ngaihsutna pen a neucil panin gilo hi; tu-a ka hih bangin nuntakna a neite khempeuh zong ka susia ngei nawn kei ding hi.

Paunak 24:9

Mihaite’ vaihawmna in khialhna bek piangsak lel a, mi a simmawh theite, midangte in mudah uh hi.

Paunak 22:15

Naupangte a hai gamtat a ngeina hi a, deihsak-a satna in mihoih suaksak thei hi.

Gamlak-vakna 22:29

Balaam in la kiangah, “Nang in kei nong mawlpihna hang ahi hi. Ka khutah namsau tawi leng ka ut hi; tua hi leh nang kong that khin ding hi,” a ci hi.

Mattiu 5:28

Ke’n kong cih-inah, numei khat peuhmah khialh nopna lungsim tawh a ente in, a lungsim sungah tua numei tawh a mawh zo hi.

Mattiu 15:20

Tuate in mi a ninsak thei hi. Khut sil loin an nekna in hong ninsak thei lo hi,” a ci hi.