Mattiu 14:27 - Tedim Bible

²⁷ Zeisu in, “Na lungdam ta un; keimah ka hi hi, na lau kei un,” a cih pah leh,

Tedim Bible Revision 2017

²⁷ Jesu in amaute hopih pah a, “Na lungsim uh hangsak un. Keimah ka hi hi. Lau kei un,” a ci hi.

Mattiu 14:27 Referans Kwoze

Johan 16:33

Note in keima sungah nopna na neih nadingun hih thute kong genkhol hi. Note in leitungah gimna na thuak ding uh hi. Ahih hangin lunghimawh kei un, leitung ka zozo hi,” ci-in a gen hi.

Sawltak 23:11

Zing nitak ciangin Topa in Paul kiangah ding a, “Paul aw, lunghimawh kei in. Keima thu Jerusalem khua-ah na gen zo hi. Tua mah bangin Rom khua-ah zong ka teci thu na pang lai ding hi,” a ci hi.

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

Isaiah 41:4

A kipat cil-a kipan a khang khang-a mite a sam, hih nasep semin a bawl kua ahi hiam? A masa leh a nunung, Topa ahi keimah ka hi hi; kei in Amah ka hi hi.

Johan 6:20

Zeisu in, “Keimah ka hi hi, lau kei un,” a cih ciangin,

Mattiu 17:7

Zeisu hong pai a, a khutin lawng a, “Tho un, lau kei un,” a cih ciangin

Mattiu 9:2

Tua lai takin a khut a khe si mi khat a lupna tawh pua uh a, Zeisu kiangah a va paipih uh leh, Zeisu in amaute’ upna a theih ciangin, a khut leh khe sipa kiangah, “Ka ta aw, na lunghimawh kei in. Na mawhnate kimaisak zo hi,” a ci hi.

Isaiah 51:12

“Kei, keimah in note hong hehnempa ka hi hi; lopa bang ahi, a si thei mi, mihing tate lellelte bang hangin kihta na hi uh hiam?

Luka 1:30

Vantungmi in, “Mari aw, lau kei in. Nang in Pasian maipha na ngah zo hi.

Luka 1:13

Vantungmi in, “Zekhariah aw, lau kei in. Na thungetna hong ngai zo hi. Na zi Elisabeth in tapa khat nang ading a nei ding hi. Tua tapa’ min Johan na phuak ding hi.

Mattiu 28:10

Zeisu in, “Lau kei un, Pai un la, ka sanggamte kiangah, ‘Galile gamah na pai un. Tua san takah kei hong mu ding uh hi,’ a ci hi, ci-in va gen un,” a ci hi.

Luka 2:10

Ahih hangin vantungmi in, “Lau kei un. Bang hang hiam na cih uh leh, mi khempeuh ading nakpi nuamna thu note kong zasak ding hi.

Isaiah 41:14

Lungno bang ahi lel Jakob, Israel mite aw, lau kei un! Note kong huh ding hi, Topa in ci hi; note hong Tanpa in Israelte’ Siangtho Pa ahi hi.

Mattiu 14:28

Piter in, “Topa, nang na hih leh, kei zong nangma kiangah kong tun’ nading, tui tungah hong pai theisak in,” ci-in a nget ciangin,

Mattiu 28:5

Vantungmi in, tua numeite kiangah, “Lau kei un; singlamteh tunga kithat, Zeisu na zon’ uh ke’n ka thei hi.

Marka 6:50

Bang hang hiam i cih leh, amaute khempeuh in Zeisu mu uh a, a lau uh hi. Ahih hangin Zeisu in, “Na lungdam ta un, keimah ka hi hi. Na lau kei un,” a ci pah hi.

Luka 5:10

Tua mah bangin Simon’ lawmte Zebedi’ tapa Jakob leh Johante in zong lamdang a sa uh hi. Zeisu in Simon kiangah, “Lau kei in. Tu-a kipan nang in mite na man ding hi,” ci-in a gen hi.

Luka 12:32

“Tuu honno aw, na lau kei un. Bang hang hiam na cih uh leh, na Pa un note kiangah Gam a hong pia nuam hi.