Mattiu 13:52 - Tedim Bible

⁵² Zeisu in, “Tua ahih leh, Vantung Gam thuzui a suak laithei khempeuh in sumkholna pan a thak leh a lui a lakhia thei inn teekpa tawh kibang uh hi,” a ci hi.

Tedim Bible Revision 2017

⁵² Tua ciangin Jesu in amaute kiangah, “Vantung ki-ukna sungah a hong lut Thukham hilh siate khempeuh pen, a sumkholna panin a thak le a lui, a ututin a la khia thei ziauziau sum nei pa tawh kibang uh hi,” a ci hi.

Mattiu 13:52 Referans Kwoze

Titu 1:9

Tua tham loin, amah in thuhilhna siangtho tawh hansuah theih nading ahi zongin, a nial mite kam a thukkik theih nading ahi zongin, thuhilhna thu tawh kilawm dikna kam a zui tawntung mi ahi ding hi.

Mattiu 12:35

Miphate in a sumkholna hoih sung pan a pha nate a pusuaksak hi. Mipha lote in a hoih lo sumkholna sung panin a pha lo nate a pusuaksak hi.

Paunak 15:7

Mipilte’ kampauna in pilna khang sak a, mihaite lungsimah thuman lohna bek om hi.

Ezra 7:21

“Tua hi a, kumpipa keimah Artakzaksis in Eufrates gungal gam sunga kumpi vankemte khempeuh tungah hih bangin thu ka pia hi: Vantung Pasian’ thukham a siam lai a thei, siampi Ezra in note tung panin a kisapna hong nget ciangin,

Ezra 7:10

Bang hang hiam cih leh Ezra in Topa’ thukham a sin ding, a zui ding, leh Israel mite a hilh dingin amah kipia hi.

Luka 11:49

Tua ahih ciangin, Pasian’ lungpilna in, ‘Kamsangte leh sawltakte amaute kiangah ka sawl ding hi. Amau in tuate kimkhat that uh a, a bawlsia ding uh hi!’

Mattiu 23:34

Tua ahih ciangin, kamsangte, lungpilte, laitheite, na omna uhah kong sawl ding hi. Note in tuate kimkhat na that ding uh a, kimkhat singlamteh tungah na khai ding uh hi. Kimkhat na kikhopna inn sung uhah na sat ding uh a, khua khat pan khua khatah bawlsia-in na hawlkhia ding uh hi.

Paunak 18:4

Mihingte’ kampau in pilna kipatna suak thei a, tuipi bangin thukin, luitui bangin siang hi.

Kolose 3:16

Khazih’ thu in pilna apawlpawl tawh note sungah om ta hen. Late-a kipan biakna la leh Kha Siangtho tawh kipawl la apawlpawl tawh note khat leh khat kihilhin, kitai-in, hehpihna thupha lungsim nei-in, Pasian tungah lasa-in phat un.

Kolose 1:7

Kote ading Khazih’ nasem muanhuai, ka it uh sila ka hih khawmpih uh Epafras in note hong hilh bangin, note in na zak uh Pasian’ hehpihna a man taka na theih ni uh pana kipan tua nopna na ngah uh hi.

Johan 13:34

Thupiakna thak kong pia hi: Note khat leh khat na ki-it un la, keimah in note kong it mah bangin khat leh khat na ki-it un.

Solomon la 7:13

Tua lai-ah zawl-ai kung namtui gim na za ding a, singgah lim namcin i kong gei-ah om hi, Ngaihno aw, a gah alui leh athak, nang adingin na duhduh kong koihsak hi.

Paunak 11:30

Midikte’ gah in nuntakna singkung hi a, nuntakna Khate a man mi in mipil ahi hi.

Ezra 7:6

hih Ezra pen Babilon panin hong paito hi. Amah pen Israel Pasian, Topa in a piak Moses thukham a siam lai thei mi khat ahi hi; Topa ahi ama Pasian in ompih ahih manin ama nget khempeuh kumpipa in pia hi.

Efesa 3:4

Tua thute na sim le-uh teh, Khazih’ thuthukte ka theih note in na thei ding uh hi.

2 KORIN NIHNA 6:10

a dahte bang ahi zongin a nuam tawntung mi hi-in, a zawng mite bang ahi zongin a ngah a hau mite hi-in, sum khat beek a nei lo mi bang ahi zongin na khempeuh a nei mite hi-in Pasian’ nasemte ka hi takpi uh a, na khempeuh tawh kilangin ka lak uh hi.

1 TIMOTI MASA 3:6

Kisaktheihna tawh hai-in, Dawimangpa’ thuak mawhna thukhenna a thuak ding lauhuai ahih ciangin pawlpi sungah a tum thak mi ahi kei ding hi.

Mattiu 13:51

“Hih thu khempeuh note’n na thei uh hiam?” ci-in a dot ciangin, “Ka thei khin uh hi,” a cih uh leh,

Mattiu 13:53

Zeisu in tua bang thugentehna khempeuh a hilh khit ciangin, tua mun pan a paikhia hi.

Mattiu 28:19

Tua ahih ciangin, note vak kawikawi un la; mi khempeuh nungzuite na suahsak khit uh ciangin, Pa’ min, Tapa’ min leh Kha Siangtho’ min tawh na baptaiz ta un.