Mattiu 13:46 - Tedim Bible

⁴⁶ Tuapa in suang manpha pen a muh ciangin ciah a, a neih khempeuh a zuak khit ciangin tua suang manpha va lei hi.”

Tedim Bible Revision 2017

⁴⁶ Sumbawl pa in a manpha diak pawl kep khat a muh ciangin ciahpah in a neih khempeuh a zuak khit ciangin tua kep a lei hi.

Mattiu 13:46 Referans Kwoze

Kolose 2:3

Tua Khazih sungah pilna sum, theihna sum a om khempeuh kiseelin om hi.

Sawltak 20:24

Ahih hangin Pasian’ hehpihna Lungdamna Thu hilh nading Topa Zeisu’ khut sung pan ka ngah za ahi, ka nasepna ka zawh theih nadingin ka nuntakna keimah ading phamawh ka sa kei hi.

Mattiu 13:44

“Vantung Gam in lo lai-ah a kiseel sum tawh kibang hi. Tua sum a mupa in khatvei seel kik a, lungdam mahmahin pai a, a neih khempeuh zuakin tua lo a va lei hi.”

Isaiah 33:6

amah pen nangma hunte a kipna, hohkhiatna a kicin’na, pilna leh theihna hi ding hi; Topa kihtakna pen ama sumgum hi ding hi.

Paunak 2:4

Ngun, ahih kei leh a kiseel sum manpha zon’ bangin, hahkatin pilna zong in.

Mangmuhna 21:21

Khuapi kong khak sawm leh nih in, suangmanpha peek sawm leh nih ahi hi. Kongkhak khempeuh in suangmanpha khat tek ahi uh hi. Khuapi sung lampi in a siangtho limlang tawh kibang kham taktak ahi hi.

Galati 6:14

Kei ka hih leh, eite Topa Zeisu Khazih’ singlamteh sim loh, bangmah dangah ka kisathei het kei ding hi. Tua singlamteh ah hih leitung in kei ading kikhenin a om hi. Keimah in zong leitung ading kikhenin ka om hi.

Mattiu 13:45

“Vantung Gam in suang manpha a zong, sum zuakpa tawh kibang hi.

Mattiu 13:47

“Khatvei, Vantung Gam in tuili a, kipaai, ngasa nam tampi a awk thei ngeen tawh kibang hi.

Mangmuhna 18:12

Bang hang hiam i cih leh, kuamah in amaute sum ahi kham, ngun, a manpha suangte, suangmanpha, saihadial, puansan, nai puan leh puan eng; sahawk khum kung, saiha nate, amanpha sing tawh, sumngo tawh, sik tawh, suangkaang tawh kibawl kuangte;