Mattiu 13:41 - Tedim Bible

⁴¹ Mihing Tapa in ama vantungmite sawl ding a, a khialte leh a puksakte khempeuh a Gam sung pan nilkhia-in,

Tedim Bible Revision 2017

⁴¹ Mihing Tapa in a vantung mite hong sawl dinga, ama ukna sungah a om migilote le mi a mawh nadingin a bawl mi khempeuh kaikhawmin

Mattiu 13:41 Referans Kwoze

Mattiu 24:31

Amah in peengkul nakpi-in tumsak ding a; ama vantungmite sawlin, amaute in a teelsa mite, lei kiu li pan, van mong khat pan mong khat dongin a kikhawmsak ding uh hi.”

Mangmuhna 21:27

A kihhuainate-a kipan muhdahhuai, thuman lo nate a bawl mi khat beek tum thei ngei lo ding hi. Tuuno’ nuntakna laibu sungah a kigelh mite bek in tum theihna thu a ngah ding uh hi.

Mattiu 18:7

“Puk nading om ahih ciangin, leitung mite in gimna a thuak ding uh hi. Bang hang hiam na cih uh leh, puk nading thu a om hi. Ahih hangin, a puksakpa in gimna a thuak ding hi.

Hebru 1:14

Vantungmite khempeuh in gupkhiatna luah ding mite kem dingun, sawltak nasem khate hilo ahi uh hiam?

ROM (Romans) 2:16

Ka thuhilh Lungdamna Thu bangin Pasian in Zeisu Khazih tawh mite’ selsim lungngaihna a khen Ni ciangin tua bangin a khen ding hi.

Mattiu 13:49

Tua mah bangin leitung a bei ciangin, vantungmite hong kumsuk ding uh a, mi siangthote lakah a gilo teng lakhia-in meiphual sungah a khul ding uh hi.

Marka 13:27

Tua lai takin amah in a vantungmite sawlin, amaute in a teelsa mite lei kiu li pan, lei mong khat pan van mong khat dongin a kikhawmsak ding uh hi.”

Mattiu 8:20

Zeisu in, “Ngiate in kua nei uh hi. Vasate in zong bu a nei uh hi. Ahih hangin Mihing Tapa in ahih leh, a lutang ngak nading mun a nei kei hi,” a ci hi.

Zefaniah 1:3

Mihing leh ganhing, van-a leeng vasa leh tui sunga ngasa, a vekpi-in ka susia ding hi. Mi gilote ka susia ding a, leitunga om mihing khempeuh ka susia ding hi. Topa ahi keimah in hih thu ka gen khin hi.

2 SAMUEL NIHNA 23:6

Ahih hangin mi ginalote ahih leh a kilawnkhia lingkungte tawh kibang hi; bang hang hiam cih leh khut tawh amaute kiman thei lo hi;

Mattiu 3:12

A khut in lawhpi tawi a, ama buhphual zap siang ding a, a tak teng a sal sungah a koih ding hi. A site ahih leh, mit ngei lo mei in a hal ding hi,” ci-in Johan in a gen hi.