Mattiu 13:38 - Tedim Bible

³⁸ Lo lai in leitung mite hi. Khaici hoih in Gam sung tate ahi uh hi. Tahum tang in gilomi’ tate ahi uh hi.

Tedim Bible Revision 2017

³⁸ Lo lai pen leitung hi a, taang ci hoih i cih pen Pasianʼ ukna sungah a om mite ahi uh hi. Tahumte pen Gilopa tawh a kipawl mite hi a,

Mattiu 13:38 Referans Kwoze

Johan 8:44

Note in na pa uh dawimangpa’ suan na hi uh hi. A gilo na pa uh deihna bangin na gamta nuam uh hi. Amah in a cil panin mi thatpa hi a, thumanna nei lo ahih ciangin thuman thutak sungah a kip kei ding hi. Amah in thuzuau a gen ciangin ama thu a gen hi. Bang hang hiam na cih uh leh, amah in zuauthu gen leh thuzuaupa lah ahi hi.

Sawltak 13:10

“Thuzuaute leh kheemna pawl khempeuh tawh a dim, dawimangpa’ ta, thuman thutak’ gal aw, Pasian’ Lampi tang siasak dingin tawp lo ding na hi hiam?

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Jeim 1:18

Ama pian’ sakte lakah eite in a gah masa bel i suah nadingin thuman thutak tawh ama deihna bangin eite hong piangsak hi.

Mattiu 13:19

Mi khat in Vantung Gam thu a zak ciangin, thei lo ahih ciangin dawimangpa hong pai a, a sin sunga kivawh khaici a lakhia hi. Tuate in lampi geiah a kia khaici ahi hi.

1 JOHAN MASA 3:2

Ka itte aw, tu-in Pasian’ tate i hi hi. A nung ciangin bang ci mi i hi ding a kilang nai kei hi. Ahih hangin amah hong kilat ciangin eite in amah tawh i kibang ding hi ci-in i thei hi. Bang hang hiam na cih uh leh, ama pum a om bangin amah i mu ding hi.

Kolose 1:6

Tua thu in leitung khempeuh ah a kizelh khit mah bangin, note kiangah zong hong tung zo hi; note’ sungah hih Lungdamna Thu in a gah gahin, a khan’ toh mah bangin mi khempeuh tungah zong a piang thei hi.

ROM (Romans) 10:18

Ahih hangin amaute in za hilo ahi uh hiam? A mantakpi a za uh hi: “Amaute aw un leitung khempeuh ah a zel zo hi; Amau thu un leimong dongin a tung zo hi.”

ROM (Romans) 8:17

Tate i hih leh, gamhluahte i hi hi. Khazih tawh kibangin vangliatna ngah nadingin amah tawh gimna thuak khawm leng, amah tawh gamluah khawm ding i hi hi.

Johan 12:24

Ke’n aman takpi kong cih-inah, buhhum khat in lei tungah kia-a a sih kei leh, amah bek a om ding hi. Ahih hangin a sih leh, tampi a gah thei ding hi.

Luka 24:47

ama min tawh kisikkikna thu leh mawhmaisakna thu Jerusalem khua pan akipan mi pawl khempeuhte’ kiangah a kigen ding hi ci-in kigelh hi.

Mattiu 24:14

Mi namkimte tungah teci a pan’ nadingin leitung khempeuhah Lungdamna Thu kihilh ding hi. Tua khit ciangin beina a piang ding hi.”

Hosea 2:23

Leitungah ka mite kipsakin a cithei-in ka bawl ding a, hehpih loh, a kici mite ka hehpih ding a, ka mi hi lo, a kici mite, ka mi na hi uh hi, ka ci ding a, amaute in, “Nang in kote’ Pasian na hi hi,” hong ci ding uh hi, Topa in a ci hi.

Isaiah 53:10

Ahih hangin amah a kisatnim ding pen Topa’ deihna ahi hi; amah in natna thuak sak hi; mawhna hangin ama pumpi a kipiak ciangin amah in a suan leh khakte mu ding a, ama khan’ sau ding hi; Topa’ deihna ama khut sungah pung ding hi;

Late 22:30

Suan-le-khakte in ama na sem ding uh hi; mite in hong piang ding mihonte tungah Topa’ thu gen ding uh a,

Mangmuhna 14:6

Leitungah a teeng mite-a kipan gam khempeuh, nam khempeuh, pau khempeuh, pawl khempeuhte kiangah tawntung Lungdamna Thu hilh dingin vantungmi adang khat in vankim lai-ah a leeng ka mu hi.

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

Mattiu 5:37

A hite ‘A hi mah hi’, a hi lote, ‘A hi lo mah hi,’ na ci un. Tua sang a kan zawk leh, a gilo mi’ sung pan a piang hi.”

Mattiu 8:12

Gamsung mite ahih uh leh, pualam khuamial lakah a hawlkhia ding hi. Kahna leh ha gawina a om ding hi,” ci-in a nungzuite kiangah a gen hi.