Mattiu 13:22 - Tedim Bible

²² Ling lakah a kiate ahih leh, thu a zak ciangin leitung lunghihmawhna, sum leh pai khemna in depgawp uh a, a gah zo lote ahi hi.

Tedim Bible Revision 2017

²² Lingbulsum omna leilak ah a tu khaicite pen Pasianʼ thu za napi-in amau nuntakna sung uh ah leitung lunghihmawhna le hauh nopnate in Pasianʼ thu vuknelh ahih manin bangmah a suak khia zo lote a cihnopna ahi hi.

Mattiu 13:22 Referans Kwoze

1 TIMOTI MASA 6:17

Hih leitungah sum hau mite in lungsim kiliatsakna tawh kipelhin, a kip tawntung thei lo sum hauhna muang loin, eite lungdam nading na khempeuh a kicingin hong pia Pasian muangin, nuntakna taktak ahi nuntakna ngah nadingin, hong tung ding hun ciangin, amau ading a bulpi pha zong kholin, midangte tungah thupha bawlna, gamtat hoihna kicingin, midang hopnopna lungsim nei-in, khat leh khat kipawl nadingin kilemna thu bawl nading thu na pia in.

Luka 8:14

Ling lakah a kiate in, thu a zak khit uh ciangin amau deihna bang zui-in, lunghihmawhna, sum hauhna leh leitung lungdamnate in dep gawp a, gah a gah lote ahi uh hi.

Luka 12:15

Tua zawh ciangin Zeisu in, “Note in huaihamna khempeuh kikemin na tang un. Bang hang hiam na cih uh leh, mihing nuntakna in sum hauh nading ahi kei hi,” a ci hi.

2 TIMOTI NIHNA 4:10

Bang hang hiam cih leh, Demas in tu lai nuntakna a it maninah kei hong taisanin, Thesalonika khua-ah a pai zo hi. Kresen in Galati gamah a pai zo hi. Titu in Dalmatia gamah a pai zo hi.

Mattiu 13:7

Kimkhatte ling lakah kia a, lingkungte a khan’ ciangin dep gawp uh hi.

Luka 12:21

Tua mah bangin, ama ading sum a khol hangin, Pasian mai-ah a zawng mi in tua pa tawh kibang ahi hi,” a ci hi.

Late 52:7

“Pasian a beel lo, ama hauhnate a muang, ama hauhna a beelpa en un!” ci ding hi.

Luka 21:34

“Note na kikeem ta un. Ahih kei leh, annek tuidawn hih nuntakna leh lungman’na hangin na lungsim uh a gim lai takin, tua Ni in thang kisai bangin note tungah a hong tung ding hi.

Jeremiah 4:3

Judah gam mite leh Jerusalem khuamite’ tungah Topa in hih bangin ci hi: “Na lote uh kal un la, ling lakah vawh kei un.

Paunak 11:28

Tuk lai-a singteh tam bangin midikte’ hauhna khang ding a, phabi lai-a singteh pulh bangin hauhna suangte kiam ding hi.

Late 62:10

Zawhthawh thu tawh lakna muan’in, nei kei in la, suhgawpnate lamet-in nei kei in; na hauhna a khan’ leh, tuate muan’ in nei kei in.

Sawltak 8:18

Sawltakte in khut a ngak uh ciangin Kha Siangtho kipia Simon in a muh ciangin,

Thuhilh-sia 4:8

Mi khat in a tapa ahi a, sanggam ahi zongin nei lo napi-in, a tawntungin nasemin a neihsa tawh lungkim hun nei thei lo hi. Kua adingin gimpi-in na sem a, a ut utin ta hoh lo ahi hiam? Hih in zong a mawknapi mah, a dahhuai nuntakna khat ahi hi.

Paunak 23:5

Na ngahsa, sumte, mitphiat kalin bei mang thei a, muvanlai bangin thakhatin lengmang thei hi.

Mattiu 12:32

Mihing Tapa a gensiate, a mawhna kimaisak thei ding hi. Kha Siangtho a gensiate’ mawhna ahih leh, tu khang laitak ahi zongin, tu nung khang ahi zongin kimaisak zo lo ding hi.”

Mattiu 13:39

Tahum tang vawh galpa in dawimangpa hi. Taang lak hun in leitung bei nading hi. Taang la mite in vantungmite ahi uh hi.

Mattiu 13:40

Lopa kungte botkhia a, mei tawh a hal uh mah bangin, leitung a bei ciangin a piang ding hi.

ROM (Romans) 12:2

Hih leitung mite bangin na om kei un. A hoih, a deihhuai, a kicing ahi Pasian’ deihna in bang ahi hiam ci-in na khen theih nadingun na lungsim uh bawl thakin, na lim uh na kilamdangsak un.

1 KORIN MASA 1:20

Lungpil mi koi-ah a om hiam? Laithei mi koi-ah a om hiam? Hih leitung thu kidong thei mi koi-ah a om hiam? Pasian in leitung pilna a haisak hilo ahi hiam?

1 KORIN MASA 2:6

A kicing mite kiangah pilna thu i gen hi. Ahih hangin leitung pilna thu ahi zongin, a mangthang ding hih leitung ukte’ pilna thu ahi zongin ka hilh kei uh hi.

1 KORIN MASA 2:8

Tua pilna pen leitung ukte khat beek in a thei kei uh hi. Thei uh hi leh, minthan’na Topa singlamteh tungah a that kei ding uh hi.

1 KORIN MASA 3:18

Kuamah peuhmah amah leh amah kikheem kei hen. Note lakah mi khatpeuh mah in hih leitung pilna ka nei hi ci-in a ki-up leh, tuapa in mi lungpil a suah nadingin mihai suak hen.

2 KORIN NIHNA 4:4

Tua bang mite in Pasian’ meel ahi Khazih’ minthan’na tawh a dim Lungdamna Thu khuavak taang a muh theih loh nadingun hih leitung a uk topa in a um lo tua mite’ lungsim mittang uh a tawsak hi.

Galati 1:4

Tua Zeisu in Pasian’ deihna tawh kituakin a gilo ahi hih leitung pan eite hong gumkhia dingin ah eite khialhna ading ama pumpi kipia hi.