Mattiu 13:15 - Tedim Bible

¹⁵ Bang hang hiam na cih uh leh, hih mipawlte in a mit un khua mu lo, A bil un khua za lo, A lungsim un thei lo, A gamtatna uh kikhel lo, Amau cinatna uh ka damsak loh nadingin, Amau lungsim uh khauh a, A bil uh ngong a, A mit uh a si uh hi,’ a ci hi.

Tedim Bible Revision 2017

¹⁵ Hih miteʼ lungsim mawl mahmah hi; a bil uh bingsak uh a, a mit uh a si uh hi. Tua bang hi kei le-uh, a mit uh tawh mu-in, a bil uh tawh za-in, a lungsim un tel dinga, kei lamah amaute hong kihei-in, amaute ka damsak ding hi, ci-in Pasian in gen hi,’ ci-in kigelh hi.

Mattiu 13:15 Referans Kwoze

Isaiah 6:10

amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theihtel loh nading, amaute kihei-in damna a ngah lohna dingun hih mite lungsim mawl sak in la, amau bil uh ngong sak in la, a mit uh va si sak in,” hong ci hi.

Marka 4:12

amau enin, a en napi-un a mu kei ding uh a; ngai-in, a ngai napi-un a khiatna thei lo ding uh ahih ciangin, amaute thugentehna tawh ka hilh hi.”

Zekhariah 7:11

Ahi zongin amaute in mang nuam het lo uh a, hih thute ngaihsutin zong nei nuam lo uh hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

Jeremiah 17:14

Topa aw, hong damsak lecin kei ka dam ding a, hong honkhia lecin ka suakta ding hi; bang hang hiam cih leh nang kong phatpa na hi hi.

Hebru 5:11

Tua Melkhizedek thu kote gen ding tampi a om hi. Ahih hangin note bil pil lo na hih uh ciangin a gen nading a haksa hi.

2 TIMOTI NIHNA 4:4

thuman thutak ngai loin, tangthu ngai-in a paikhiat hun uh a tung ding hi.

Sawltak 7:57

Ahih hangin amaute in nakpi-in kiko uh a, a bil uh humin ama kiangah lungsim kikhatin a tai uh a,

Late 119:70

amaute’ lungsim in thu theithei loin kheengcip a, ahih hangin ke’n nangma thu sung nuam ka sa hi.

Mangmuhna 22:2

Tua gun lang tuakah nuntakna sing kung khat om a, tua kung tungah a gah pawl sawm leh pawl nih, kha khatin pawl khat ciat a gah thei hi. A tehte in zong mipawl pawlte natna dam nading ahi hi.

Sawltak 3:19

Tua ahih ciangin Pasian kiang pan nopna hun hong tung a, note ading hong koihsa Khazih Zeisu hong paisak nadingin, note mawhna a sawpsiang nading na kisik un la, na lungsim uh na kikheel un.

Hosea 14:4

Ka mite tungah heh nawn lo ka hih manin ka mite ka kiangah ka sam kik ding a, lungsim takpi tawh amaute ka it ding hi.

Jeremiah 33:6

Ahih hangin en in, keimah in hih khuapi ka damsak ding a, cidamin ka om sak ding hi. A mite cidam sakin nopna leh lungmuan’na a kicing ka lak ding hi.

Isaiah 57:18

Amau’ mawh gamtatnate ka mu khin a, ahih hangin amaute ka damsak ding hi; amaute makaih-in hehnepna ka pia ding a, a dah a kapte muk panin phatna ka piangsak ding hi.

Isaiah 44:20

Amah pen vut a nete tawh kibang lel hi; khemna lungsim haina in amah lam pialpih khin a, amah leh amah kihonkhia thei loin, “Ka khut sungah ka tawi milim pen a haihuai hilo ahi hiam?” cih zong phawk thei lo hi.

Jeremiah 3:22

Topa in, “Hong kilehkik un, a zulhzau ka tate aw, na zulhzauna uh kong damsak ding hi,” a ci hi. Amau in zong, “En in, nang kiangah kong pai uh hi; bang hang hiam cih leh Topa kote’ Pasian na hi hi.

Jeremiah 17:9

“Lungsim in na khempeuh lakah a khem hatpen hi a, a kisia pha mahmah hi; kua in a thei thei ding hiam?

Luka 19:42

“Nang in tu lai taka nopsakna tawh kipawl nate thei lecin nang ading a pha ding hi. Tu-in ahih leh, na mittang pan a kiseel hi.

Sawltak 28:27

Amaute in a mit uh tawh a muh loh nading, a bil uh tawh a zak loh nading, A lungsim uh tawh thu a theihtel loh nading, amaute kihei-in damna a ngah loh nadingun, amau lungsim uh mawl a, amau bil uh ngong a, a mit uh a si hi,’ a ci hi.

Paunak 16:30

A mit hong sitsante in thusia a ngaihsun hi a, a neh hong piksante in thusia geel ahi hi.