Mattiu 12:46 - Tedim Bible

⁴⁶ Zeisu in mihonpi thu a hilh lai takin a nu leh a sanggamte in amah hopih nuamin, inn pua lamah ding-in a om uh hi.

Tedim Bible Revision 2017

⁴⁶ Tua bangin mite kiangah thu genin a om laitakin a pua lamah a nu le a naute in Jesu hopih nuamin a om uh hi.

Mattiu 12:46 Referans Kwoze

Mattiu 13:55

Amah in khutsiampa’ tapa hilo ahi hiam? A nu min Mari hilo ahi hiam? Ama sanggamte in Jakob, Josef, Simon, Judah te hilo ahi uh hiam?

Johan 2:12

Tua nung ciangin a nu akipan a naute leh a nungzuite tawh Zeisu in Kapernaum khua-ah a pai uh hi. Tua khua-ah sawt lo khat a tam uh hi.

Johan 7:5

Bang hangin tua bangin a ci uh hiam i cih leh, a sanggamte in zong Zeisu a um kei uh hi.

Johan 7:3

Zeisu’ sanggamte in, “Na bawl nate na nungzuite in a muh nadingun, hih pan paikhia in la, Judah gamah na pai in.

Sawltak 1:14

Tua mi khempeuhte in Zeisu’ nu Mari a kipan numeite leh Zeisu’ sanggamte tawh lungsim kikhatin thu a ngen niloh uh hi.

Marka 6:3

Amah in Mari’ ta hilo ahi hiam? Khutsiampa ahi, Jakob, Josef, Judas leh Simon-te’ sanggampa hilo ahi hiam? Ama sanggamnute in i kiangah om hilo ahi uh hiam?” ci-in a gen uh hi. Amaute in ama hangin a lungkia uh hi.

Galati 1:19

Amah leh Topa’ nau Jeim longal adang sawltakte khat beek ka mu kei hi.

1 KORIN MASA 9:5

Kefas leh Topa’ sanggamte akipan adang sawltakte bangin thu-um zite ka tonpih kawikawi nading uh thu nei lo ka hi uh hiam?

Johan 7:10

A sanggamte pawikhamna-ah a paikhit uh ciangin, Zeisu zong a kilang loin a paisim hi.

Luka 2:48

A nu leh pate in amah a muh uh ciangin lungmang uh a, a nu in, “Ka ta aw, bang hangin kote tungah hih bangin hong bawl na hi hiam? Na pa leh keimah in dahna lungsim tawh kong zong uh hi,” a ci hi.

Luka 8:10

Zeisu in, “Note in Pasian’ Gam thusimte na theihtheih nadingun thu hong kipia hi. Midangte ahih leh, en napi-in mu lo ding uh hi. Ngai napi-in a khiatna a theih loh nadingun thugentehna tawh kihilh ding hi.”

Marka 2:21

Kuamah in puanlui, puanthak tawh a thuap kei uh hi. Tua banga a thuap leh, a thuapna puanthak in puanlui keeksakin a vang gol thei hi.

Johan 2:5

A nu in nasemte kiangah, “Ama hong sawl khempeuh na hih un,” ci-in a gen hi.

Luka 2:33

A nu leh pate in naungeek a genna thu lamdang a sa uh hi.

Johan 2:1

Ni nih khit ciangin, Galile gam Kana khua-ah mo la lawmvakna om a, Zeisu’ nu zong tua lai-ah a om hi.

Luka 2:51

Amah in amaute tawh ciahsuk khawm a, Nazareth khua-ah tungin amaute thu mangin a om hi. A nu in hih thu khempeuh a lungsim sungah a ciamteh hi.

Mattiu 2:20

“Tho in la, naupang leh a nu sam in la, Israel gamah na ciahpih in. Naupang that nuama a zongte in a si zo uh hi,” a ci hi.

Mattiu 2:11

inn sungah a lut uh leh, naupang leh a nu Mari a muh uh ciangin a bia uh hi. Amau van a suah khit uh ciangin kham leh paknamtui leh mirrah a pia uh hi.

Mattiu 1:18

Zeisu Khazih’ suahna thu in hih bang ahi hi. A nu Mari in Josef tawh kingai a, a kiten’ ma-in Kha Siangtho in a gaisak hi.

Johan 19:25

Zeisu’ singlamteh kiangah a nu leh a nu’ sanggamnu, Klopas’ zi Mari leh Magdala khua Mari-te a ding uh hi.

Luka 1:43

Ka Topa’ nu kei kiangah hong pai nadingin bang hangin hehpihna ke’n ka ngah hiam?

Mattiu 12:47

Mi khat in, “Na nu leh na sanggamte in nang hong hopih nuamin inn pua lamah ding-in a om uh hi,” a cih ciangin

Luka 2:34

Simeon in amaute thupha a piak khit ciangin a nu Mari kiangah, “Hih naungeek in Israel mi tampite kipuk nading ahi zongin, thawh nading ahi zongin, mi tampi a lungngaihna a kilat nading ahi zongin, nialna a thuak nading lim a pian’ nading ahi zongin a kikoih hi.