Mattiu 12:25 - Tedim Bible

²⁵ Zeisu in amau lungsim ngaihsutna a theih ciangin, “Gamsung mi kilem lo-a a kikhen gam khempeuh kisia ding hi. A mi kilem lo, a kikhen khua leh inn khempeuh zong a kip zo kei ding hi.

Tedim Bible Revision 2017

²⁵ Jesu in amauteʼ ngaihsutna thei ahih manin amaute kiangah, “Gam khat peuhpeuh, a gam mite kiphelkhamin pawl khat le pawl khat kido le-uh tua gam a sia suak ding hi; khua khat ahi a, innkuan khat ahi zongin kiphelkhamin kido le-uh kip lo ding hi.

Mattiu 12:25 Referans Kwoze

Galati 5:15

Ahih hangin khat leh khat na kipeh, na kinek uh leh, khat leh khat na kisiasak ding uh hi ci-in lunghimawhin kikem un.

Jeremiah 17:10

Keimah Topa in mi khempeuh’ nuntak zia leh gamtatna tawh kizui-a piakhia dingin ngaihsutna ka entel a, lungsim ka sittel hi.”

1 KORIN MASA 2:11

Mi sungah a om kha longal mi khatpeuh tawh kipawl lungsimte kua in a theithei ding hiam? Tua mah bangin Pasian’ Kha Siangtho longal Pasian’ nate a thei kuamah a om kei hi.

Mattiu 9:4

Zeisu in amau lungsim a theih ciangin, “Na sin sung uhah hoih lohna thu bang hangin ngaihsun na hi uh hiam?

Isaiah 9:21

Manasseh in Efraim, Efraim in Manasseh ne-in tua tegel in Judah langpang khawm uh hi. Hih thute khempeuh hangin ama hehna dam zo nai lo a, ama khut kilamto lai hi.

Mangmuhna 16:19

Khuapi in seh thumin a kikhen hi. Gam sungah a om khuapite zong a cim uh hi. Babilon khuapite zong Pasian’ hehna lianpi leenggahzu hai a dawnsak dingin Pasian mai-ah tua khuapi kiciamtehin a om hi.

Hebru 4:13

Tua tham loin, eite thu hong khenpa mai-ah a kilang lo na khat beek a om kei hi; na khempeuh a liah a dal om loin Pasian mai-ah kipho laakin a om hi.

Marka 2:8

Zeisu in amaute’ lungsim sung uh ah a ngaihsut uh a kha in a theih ciangin, “Note in bang hangin na lungsim sung uh ah hih thu ngaihsun na hi uh hiam?

Late 139:2

Nangmah in ka heksukna, ka hektohna khempeuh na thei hi; nangmah in ka ngaihsutnate gamlapi pek panin na thei hi.

Mangmuhna 2:23

Ama tate zong ka that ding hi. Tua ahih ciangin keimah in lungsung sinsung a zong kawikawi thei Topa ka hih thu, pawlpi khempeuh in a thei ding uh hi. Note khempeuh zong na gamtatna uh tawh kituakin ka hong thukkik ding hi.

Johan 21:17

Zeisu in, “Johan’ tapa Simon aw, kei na hong it hiam?” ci-in thumveina a dong hi. “Nang in kei na hong it hiam?” ci-in thumvei a dot man-inah Piter dah a, “Topa aw, nang in na khempeuh na thei a, ke’n nang kong it na thei hi,” a cih ciangin Zeisu in, “Ka tuute na vak in.

Amos 4:13

Bang hang hiam cih leh mualte bawlin, huihte a piangsakpa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpa’ min in Topa, mihonpite’ Pasian ahi hi.

1 KUMPI MASATE 16:21

Tua ciangin Israel mite pawl nihin kikhen uh hi; mi a kimkhat in kumpi-in a bawl dingin Ginath’ tapa Tibni zui uh a, a kimkhat in Omri zui uh hi.