Mattiu 12:16 - Tedim Bible

¹⁶ “Kei kua mi ka hih lam kuamah kiangah na gen kei un,” ci-in a kham hi.

Tedim Bible Revision 2017

^16-17 Pasian in kamsang Isaiah tungtawnin a gen thu a tun theih nadingin, kuama kiangah ama thu a gen loh nadingun thu a pia hi. Tua a genna ah,

Mattiu 12:16 Referans Kwoze

Mattiu 17:9

Amaute mualtung pan a kumsuk lai takun Zeisu in, “Mihing Tapa in sihna pan a thawhkik matengin, tua mangmuhna thu kuamah kiangah na gen kei un,” ci-in a nungzuite a kham hi.

Mattiu 9:30

Zeisu in, “Hih thu kuama theih loh nadingin kikeem un,” ci-in nakpi-in a kham hi.

Mattiu 8:4

Zeisu in, “Hih thu kuamah kiangah na gen kei in. Pasian’ siampi kiangah pai inla, va kilak in. Amau in a theih nadingun Moses’ thu piaksa bangin biakna na pia in,” a ci hi.

Marka 7:36

Tua thu kuamah kiangah a gen loh nadingin amaute a kham hi. A kham semsem hangin, amaute in tua thu a tangko semsem uh hi.

Mattiu 12:17

Bang hangin hih bangin a kham hiam i cih leh, Pasian in kamsangpa Isaiah tungah a genna thu a tun’ nading hi. A thu genna in:

Marka 3:7

Zeisu in a nungzuite tawh tuili geiah pai a, Galile gam pan mi tampi in a nung a zui uh hi.