Mattiu 11:5 - Tedim Bible

⁵ Mi mittawte in khua mukik thei uh hi. Khebaite in lam a pai thei uh hi. Miphakte in damna a ngah kik uh hi. Bengngongte in khua za thei uh hi. Misite in hin’kikna a ngah uh hi. Mizawngte kiangah Lungdamna Thu kihilh hi.

Tedim Bible Revision 2017

⁵ Mittawte in khua mukik a, khebaite pai theikikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Mattiu 11:5 Referans Kwoze

Luka 4:18

“Topa’ Kha Siangtho in keima tungah a om hi. Bang hang hiam i cih leh, mizawngte kiangah Lungdamna Thu zasak dingin hong sawl zo hi. A kiman a kikhum mite a kikhah nading ahi zongin, Mittawte in khua a muh kik theih nading ahi zongin, Bawlsiatna a thuak mite khah nading ahi zongin,

Isaiah 29:18

Tua ni ciangin bilngongte in laibu sunga thute za ding a, lungzin’na leh khuamialna sung panin mittawte’ mit in mu ding uh hi.

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

Mattiu 21:14

Tua khit ciangin, mittawte leh khe-baite, biakna innpi sungah Topa kiangah a pai uh ciangin amaute a damsak hi.

Johan 10:38

Ahih hangin, ka gamtat leh, kei nong um kei uh zongin ka bawlna thu um un. Tua bangin na up uh leh, Pa in kei sungah om a, kei in Pa sungah ka om cih thei-in na ciamteh ding uh hi,” a ci hi.

Johan 10:25

Zeisu in, “Kong hilh khit hangin na um kei uh hi. Ka Pa’ min tawh ka bawl nalamdangte in ka teci ahi hi.

Johan 5:36

Ahih hangin Johan’ teci pan’na sangin teci pan’na a lianzaw ka nei hi. Bang ahi hiam na cih uh leh, nasepna ka zawh nading ka Pa in hong piak tu-a ka sepna thute in, Pa in kei hong sawl ahihna thu keima ading teci hong pang uh hi.

Johan 3:2

Tua pa zan lai takin Zeisu kiangah pai a, “Rabbi aw, nangmah in Pasian kiang pan hong pai thuhilhpa na hi cih kote in ka thei uh hi. Bang hang hiam na cih leh, na bawl nalamdangte Pasian in nangmah tawh a omkhawm kei leh, kuamah in a bawl thei kei ding hi,” a ci hi.

Johan 2:23

Paisan pawi sung Jerusalem khua-ah a om lai takin, Zeisu in nalamdang a lahte mi tampi in a muh uh ciangin Zeisu a um uh hi.

Marka 9:25

Tua lai takin mihonpite kikhawm dingin hong tai uh a, Zeisu in a muh ciangin, “Bengngong leh pauthei lo dawi aw, ama sung pan paikhia in. Tu nung ciangin tum kik nawn kei in, thu kong pia hi,” ci-in kihhuai dawi a taai ciangin,

Marka 7:37

Amaute in a kigen thei lo zah dongin lamdang a sa uh a, “Amah in na khempeuh phatakin a bawl zo hi. Bengngongte khua zasak zo a, pau thei lote a pausak thei zo hi,” ci-in a gen uh hi.

Mattiu 10:8

Cinate na damsak un, misite na hing kiksak un. Miphakte na dam sak un. Dawite na hawlkhia un. Man piak lohin na ngah uh bangin, man sang loin na pia un.

Mattiu 9:30

Zeisu in, “Hih thu kuama theih loh nadingin kikeem un,” ci-in nakpi-in a kham hi.

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

Isaiah 43:8

Mit nei napi-a mit a taw mite, bil nei napi-a bil a ngong mite hong paikhiatpih un!

Late 146:8

Topa in mittawte, khua musak hi. Topa in, niamsakna a thuak mite sangto sak a, Topa in thuman mite a it hi.

Late 22:26

Gimna thuakte in kham takin ne ding uh a, amah a zongte in Topa phat ding uh hi. A lungsim uh nuam tawntung ta hen!

2 KUMPI NIHNATE 5:14

Tua ahih ciangin Pasian’ mipa kamgen bangin amah paisukin Jordan sungah sagih vei kidiah hi; tua ciangin a ci-le-sa naupangno’ ci-le-sa bangin a ngei bang kikin amah siang hi.

2 KUMPI NIHNATE 5:7

Israel kumpipa in a laikhak a sim ciangin amah in a puante balkekin, “Mi khat a phakna damsak dingin hih mipa in kei tungah hih thu hong puak nadingin a that ding leh a nungtasak dingin keimah in Pasian ka hi hiam? Ngaihsun dih un la, kei tawh kitot nading a zon’na thei un,” a ci hi.

Mattiu 5:3

“Lungsim niamkhiatte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.”

Sawltak 2:22

“No Israel mite aw, hih thu na ngai ta un. No na theih uh mah bangin Pasian in Nazareth mi Zeisu tungah vangliatnate leh nalamdangte leh lungman’nate, note lakah hong hih theihna tawh Pasian in note kiangah tua Zeisu a dik hi ci-in a lak hi.

Zekhariah 11:7

Tua summeet bawlte in kei hong cial uh a, a kigo ding tuute a cingpa ka suak hi. Kei zong ciangkhut nih ka la a, khat pen Hehpihna ci-in min ka phuak a, a khat pen Kipawlna ci-in min ka phuak hi. Tua hi a, kei zong tua tuute a cingin ka om hi.

Paikhiatna 4:11

Tua ciangin Topa in ama' kiangah, "Kua in mipa’ kam bawl ahi hiam? Kua in amah pau thei losak, bilngongsak, musak, mittawsak ahi hiam? Topa ahi keimah hilo ka hi hiam?

Isaiah 29:19

Lungniamkhiat mite in Topa sungah lungdamna thak ngah ding uh a, Israelte’ Siangtho Pa’ sungah mizawngte lungdam ding uh hi.

Mattiu 11:4

Zeisu in, “Note pai un la, na zaksa uh, na muhsa uh, Johan kiangah va gen un.

Mattiu 12:13

Tua ahih ciangin a cinapa kiangah, “Na khut zan in,” a cih ciangin ama khut a zan leh, a khut langkhat mah bangin a dam hi.

Johan 9:7

“Pai in la, Siloam bual tui sungah na mit na sil in,” ci-in a sawl hi. Siloam a khiatna in “Hong sawl hi” cihnopna hi. Tua ahih ciangin, tua pa pai-in a sil khit ciangin a mit in khua mu-in hong ciahkik hi.