Mattiu 11:24 - Tedim Bible

²⁴ Ke’n kong cih-inah, thukhen ni ciangin nang in Sodom khuapi sangin na thuakzaw ding hi,” a ci hi.

Tedim Bible Revision 2017

²⁴ Tua ahih manin thukhen ni ciangin noteʼ thuakna sangin Sodom khua miteʼ thuakna baih zaw lai ding ahihna thu phawk ta un,” a ci hi.

Mattiu 11:24 Referans Kwoze

Mattiu 10:15

Ke’n aman takpi kong cih-inah, thukhen ni ciangin tua khua in, Sodom leh Gomorrah khuate sangin a thuakzaw ding hi.”

Mattiu 11:22

Ke’n aman takpi kong cih-inah thukhen ni ciangin, note in Tai-ar khuapi leh Sidon khuapi sangin na thuak zaw ding uh hi.

Marka 6:11

Mun khat peuhah mite in hong nolh a, na thu uh a ngaih kei uh leh, amau omna pan na paikhiat uh ciangin, amau lang khatah teci pang dingin, na khepeek nuai uh ah leivuite na singkhia un,” ci-in thu a pia hi.

Kah la 4:6

Jerusalem’ mawhna in Sodom khuapi mawhna sangin lianzaw ahih manin, thakhatin Pasian khut sungpan kisiatna a ngah uh hi.

Luka 10:12

Ke’n kong cih-inah, tua Ni ciangin tua khua in Sodom khua sangin gimna a thuak zaw ding hi.”

Jeremiah 23:14

Ahih hangin Jerusalem khua-a kamsangte sungah a mulkimhuai zaw na khat ka mu hi. Angkawmin zuauthu a gen uh a, mite a gitlohna uh pan a kikhel loh nadingin mi hoihlote a hanthawn zawlai uh hi. A vekpiun kei’ muhna-ah Sodom khua mite tawh kibang khin ka sa a, Gomorrah khua mite tawh zong kilamdang lo uh hi.

Ezekiel 16:48

Keimah in a nungta Topa Pasian ka hih takpi mah bangin kong cihin ah: Nang leh na khuaneute gamtat siat zahin na sanggamnu Sodom leh a khuaneute gamtat sia ngei nai lo hi.

Mattiu 23:14

“A simtat laitheite leh Farisaite aw, meigongte’ neihsa teng na nektumsak uh a, kineihna tawh saupipi thu na ngen uh hi. Tua ahih ciangin thukhenna lauhuaizaw na thuak ding uh hi.