Mattiu 10:20 - Tedim Bible

²⁰ Bang hang hiam na cih uh leh, note a gen ding na hi kei uh hi; na Pa uh’ Kha Siangtho in note tungah a gen ding hi.

Tedim Bible Revision 2017

²⁰ Thu na gen uh ciangin noteʼ gen hi loin, na Pa uhʼ Kha Siangtho in note tungtawnin thu a gen ding ahi hi.

Mattiu 10:20 Referans Kwoze

Sawltak 6:10

Amaute in Stefen in a zat lungpilna leh Kha Siangtho’ piak kammalte a nial zo kei uh hi.

Luka 21:15

Bang hang hiam na cih uh leh, na galte khempeuh un hong nial theih loh hong sel theih loh nadingin gen theihna kam leh pilna note kong pia ding hi.

Luka 12:12

Bang hang hiam na cih uh leh, na gen ding uh thu tua hun lai takin, Kha Siangtho in hong hilh ding hi,” ci-in a gen hi.

2 SAMUEL NIHNA 23:2

“Topa’ Kha in kei tung tawnin thu hong gen a, ka kam sungah ama thugente om hi.

2 PETER NIHNA 1:21

Bang hang hiam na cih uh leh, Pasian’ kamsangte’ thu in mi’ deih bangin hong tung ngei kei hi, Kha Siangtho hansuahna ngahin mite in Pasian kiang pan a gen sawn uh hi.

Sawltak 4:8

Tua lai takin Piter in Kha Siangtho tawh kidim a,

Sawltak 2:4

amaute khempeuh in Kha Siangtho tawh kidimin, Kha Siangtho in thu a piak bangin kam tuamtuam tawh thu a hilh uh hi.

2 KORIN NIHNA 13:3

Note lakah thanem lo-a a thahat Khazih in keima tungah hong genna teci note in na zong uh ahih ciangin, ka hong tun’ ciangin ka hong dawm kei ding hi.

1 PETER MASA 1:12

Amaute’ thuhilh nasepnate in amaute ading hi lo, note ading ahi ci-in amaute kiangah a kilang hi. Vantung pan hong sawl Kha Siangtho tawh note kiangah Lungdamna Thu hong hilh mite in tua nate note kiangah tu-in hong hilh uh hi. Tua nate vantungmite in zong a en nuam uh hi.

Sawltak 28:25

Tua mah bangin khat leh khat thu kituak loin, Paul in thu khat a gen khit ciangin a paikhia uh hi. Paul in, “Kha Siangtho in kamsangpa Isaiah tungah na pute na pate kiang uh ah a kituakin a gen hi.

Sawltak 13:9

Ahih hangin Paul kici Saul in Kha Siangtho tawh dimin tua pa lim takin enin,

Luka 11:13

Note in mi gilo na hi napi-un na tate uh a hoih na piak uh leh, tua sangin vantungah a om na Pa un a ngen mite Kha Siangtho hong pia zaw ding hilo ahi hiam?” ci-in a gen hi.

Marka 12:36

David in: ‘Topa in, Na galte na khe nuai-ah ka koih matengin, Ka ziat lamah na tu in, ci-in ka Topa kiangah a ci hi,’ ci-in Kha Siangtho tawh a gen hi.

Mattiu 6:32

Gentailte in tua nate khempeuh hangah a lungmang uh hi. Tua na khempeuh na sap uh vantungah a om na Pa un a thei hi.

Paikhiatna 4:12

Tua ahih ciangin tu-in pai in, keimah in na thugenna-ah kong huh ding a, na thugen ding nang kong hilh ding hi,” ci hi.

1 THESALONIKA MASA 2:13

Ka hilh uh Pasian’ thu note in ngahin na san’ lai takun, mi kam sung pan a pusuak thu bangin sang loin, Pasian’ thu a man taktak hi ci-in a um note sungah a bawlpha Pasian’ thu bangin na san’na uh ngaihsunin, kote in Pasian’ hehpihna ka phat tawntung uh hi.