Mattiu 10:18 - Tedim Bible

¹⁸ Tuate akipan Gentailte mai-ah teci-in na pan’ nadingun, mangte leh kumpite mai-ah keima hangin note hong paipih ding uh hi.

Tedim Bible Revision 2017

¹⁸ Keima hangin gam ukte le kumpite mai ah thu hong kisit ding hi. Hih bang na tuah uh ciangin thu hong sit mite le Gentail mite tungah Lungdamna Thu gen theih nading hunhoih a nei na hi uh hi.

Mattiu 10:18 Referans Kwoze

Marka 13:9

“Ahih hangin na kikem un. Bang hang hiam na cih uh leh, amaute in upa vaihawmte’ thukhenna sungah note hong pia ding uh hi. Kikhopna inn sungah satna na thuak ding uh hi. Tuate mai-ah teci na pan’ nadingun mangte leh kumpite mai-ah keimah hangin na ding ding uh hi.

Mattiu 8:4

Zeisu in, “Hih thu kuamah kiangah na gen kei in. Pasian’ siampi kiangah pai inla, va kilak in. Amau in a theih nadingun Moses’ thu piaksa bangin biakna na pia in,” a ci hi.

Mangmuhna 11:7

Amaute in a teci pan’na a zawh khit uh ciangin kuam thukpi sung pan hong kahto sahang in amau doin zoin a that ding hi.

Mangmuhna 6:9

Tuuno in ngana ciamtehna a hon’ ciangin Pasian’ thu hang ahi zongin, a san’ uh teci pan’na hang ahi zongin, thahna a thuak mite’ khate biakna tau nuai-ah ka mu hi.

Mangmuhna 1:9

Zeisu sungah a om gimna-a kipan gam ahi zongin, thuakzawhna ahi zongin, note tawh a thuak khawm, note’ u ahi keimah Johan in Pasian’ thu leh Zeisu tawh kipawl teci pan’nate hangin Patmos kici tuikulh gamah ka om hi.

2 TIMOTI NIHNA 1:8

Tua ahih ciangin Topa teci pan’na ahi zongin, tua Topa’ thongkiapa ahi keimah ah ahi zongin zum kei in. Pasian hong piak a vangliatna bangin Lungdamna Thu tawh kizomin gimna na thuak in.

Late 119:46

Kumpite’ mai-ah nangma thute ka gen ding a, maizumna ka thuak kei ding hi;

Mattiu 10:17

Mite na kikeem un. Bang hang hiam na cih uh leh, amau in upa vaihawmte thukhenna inn sungah kikhopna inn sungah note hong sat ding uh hi.

Mattiu 10:19

Ahih hangin amaute in note hong piak uh ciangin, bang ka ci pau ding hiam, bang thu ka gen ding hiam ci-in lunghimawh kei un. Bang hang hiam na cih uh leh, na gen ding uh thu tua lai takin na ngah ding uh hi.