Mattiu 10:10 - Tedim Bible

¹⁰ Lampi-ah na zat dingun thungip, puanak nih, khedapte, ciangkhut, tuate na keng kei un. Bang hang hiam na cih uh leh, nasempa in neek ding dawn ding a ngah tuak hi.

Tedim Bible Revision 2017

¹⁰ Khualzinna ah an ngenin puak nading ip ahi a, khedap ahi a, ciangkhut ahi zongin keng kei unla, puanak zong a val keng thuah kei un. Nasem mite pen amau sapna teeng mite in a piak ding a ngeina ahi hi.

Mattiu 10:10 Referans Kwoze

Luka 3:11

Johan in, “Puan ak nih a neite in puan ak nei lote tawh hawm ta hen. An nek ding a neite in zong tua bangin hih ta hen,” a ci hi.

1 SAMUEL MASA 9:7

Tua ciangin Saul in a nasempa kiangah, “Ahih hangin pai lehang, mipa bang puak ding i hi hiam? Bang hang hiam cih leh i van sunga i anlum bei ta a, Pasian’ mipa kiangah i puak ding letsong om lo hi. Bang nei i hi hiam?” a ci hi.

2 TIMOTI NIHNA 4:13

Troas khua-ah Karpas kiangah ka koih ka puanza leh laibute, leh a man takin savun lai dalte ahi zongin, na hong pai ciangin hong pua in.

1 SAMUEL MASA 17:40

Tua ciangin amah in a khut-ah a ciangkhut la-in, lui panin suangmai tang nga tengin a tuucin’ thung-ip, a ip sungah tuate koih hi; a khut sungah a suanglotna tawi a, Filistiapa nai-ah amah pai hi.

Mattiu 10:11

Khuapi, khuaneu khatpeuh mah na lut uh ciangin, ‘Hih khua-ah tun’ nading kua kilawm ahi hiam?’ ci-in na dong un la; na paikhiat matengun tuapa’ innah va om un.

Marka 6:8

“Note in ciangkhut khat sim loh, lampi ah zat ding a dang bangmah na keng kei un. Khomun, thungip, kawnggak sungah dangkasan na vom kei un.

Luka 9:3

“Note in lampi ah zat ding bangmah na keng kei un. Ciangkhut ahi zongin, thung-ip ahi zongin, khomun ahi zongin, dangka ahi zongin, na keng kei un. Puanak nih na nei kei un.

Gamlak-vakna 18:31

mun khatpeuh peuh ah na ne thei ding uh hi, nang leh na innkuanpihte in na ne thei ding uh hi; bang hang hiam cih leh tua in kikhopna buk sungah note’ nasepna thaman ahi hi.