Mattiu 1:22 - Tedim Bible

²² Tua thu khempeuh in Topa in a kamsangte tungah a genkholh bangin a tun’ nading ahi hi. Tua thu genna in:

Tedim Bible Revision 2017

²² Topa in kamsang pa tungtawnin a gen sa thu a tun theih nadingin hih thute a piang ahi hi. Tua a genna ah,

Mattiu 1:22 Referans Kwoze

Luka 24:44

Khatvei Zeisu in, “Moses’ Thukhamna ahi zongin, kamsangte’ gelhna thu ahi zongin, Lai Siangtho sungah a kigelh thu ahi zongin keima thu a kigelhsa khempeuh a tangtung ding hi ci-in ke’n note tawh ka om khop lai takin kong gen khempeuhte in hih thu ahi hi,” a ci hi.

Mattiu 2:23

Galile gamah pai a, “Khazih in Nazereth mi kici ding hi,” ci-a Pasian’ kamsangte’ gen bangin a tun’ nadingin Nazareth kici khua khatah tungin a teeng hi.

1 KUMPI MASATE 8:15

Tua ciangin amah in, “Izipt panin ka mi Israelte ka paikhiatpih huna kipanin keima Min a om theih nadingin inn khat lam nading Israel minam khempeuh sungah khuapi khat zong ka teel kei hi; ahih hangin ka mi Israelte tungah a uk dingin David ka teel hi,’ ci-in ka pa David tungah a kam tawh a ciamsa thu a tungsak Israel Pasian, Topa in thupha ngah ta hen.

Sawltak 3:18

Amah Khazih in gimna a thuak ding hi ci-in Pasian in kamsang khempeuhte’ kam tawh a genkholh bangin a tungsak khin zo hi.

1 KUMPI MASATE 8:24

na nasem ka pa David tungah na gensa thu na kipsak hi; hi hi, nangmah in na kam tawh na gen a, tu ni-in na tangtungsak hi.

Johan 18:9

‘Kei na hong piak mite khat beek a mangthang kei hi,’ a cihna thu a tun’ nadingin Zeisu in, “Kei hong zong na hih uh leh, hih mite paikhia ta hen!” a ci hi.

Mattiu 13:35

Bang hang hiam i cih leh; “Ka kam ka-in thugentehna-in ka hilh ding hi. Lei pian’cil a kipan, thu ki-im khempeuh ka pulak ding hi,” ci-a Pasian’ kamsangte tungah a gensa a tun’ nading hi.

Ezra 1:1

Persia kumpipa Sairas’ kum khatna kumin, Jeremiah’ tung tawnin Topa’ thugen a tun’ theih nadingin, ama gam sung khempeuh ah tangkona khat bawlin lai-in zong a gelh nadingin Persia kumpipa Sairas’ lungsim ah Topa in suak sak hi. Amah in hih bangin hih hi:

Johan 17:12

Amaute tawh ka omkhawm lai takin nong piaksa mite nangma min tawh ka kipsak zo a; amaute ka kem zo hi. Lai Siangtho a tun’ nadingin, amaute lakah kisiatna’ tapa khat longal kuamah a kisia kei hi.

Johan 15:25

Tua ahih ciangin, ‘Thu om loin kei hong mudah uh hi,’ ci-in amau Thukhamna sungah a kigelh bangin a tun’ nading ahi hi.”

Johan 10:35

Pasian thu a ngahte in pasiante ahi uh a kicih leh, Pasian Lai Siangtho kinial lo ahih ciangin,

Mattiu 13:21

A thu hangah gimna ahi zongin, bawlsiatna ahi zongin a thuak ciangin, thakhatin a pukte ahi hi.

Mattiu 12:17

Bang hangin hih bangin a kham hiam i cih leh, Pasian in kamsangpa Isaiah tungah a genna thu a tun’ nading hi. A thu genna in:

Mattiu 2:15

Herod kumpipa a sih matengin tua gamah a va om hi. Tua bang va omna in Pasian in a kamsangpa tungah, “Ka tapa Izipt gam panin ka sam zo hi,” ci-a a genkholhsa thu a tun’ nading hi.

Mattiu 8:17

Tua thu khempeuh in kamsangpa Isaiah tungah a gen ngei bangin a tun’ nading ahi hi. A genna thu in, “Amah in eite gimna tawlna la a, eite cinatna lunatna a thuak hi,” a ci hi.

Mattiu 5:17

“Thukhamna leh Pasian’ kamsangte’ thu siasak dingin hong pai hi ci-in hong um kei un. Siasak dinga hong pai ka hi kei hi. A kicingsak dingin hong pai ka hi hi.

Luka 21:22

Bang hang hiam na cih uh leh, tua ni ciangin a kigelh kholsa khempeuh a tun’ nadingin daanpiak ni ahi ding hi.

Mangmuhna 17:17

Bang hang hiam na cih uh leh, amau lungsim kibang uh ahih theih nading ahi zongin, Pasian’ thute a kicingsak dongin, amaute gam sahang tungah ap ding ahi zongin, amau lungkim ding ahi zongin Pasian in ngaihsutna a pia hi.

ROM (Romans) 1:2

Pasian in a Tapa thu nidang lai-inah kamsangte tungah Lai Siangtho sungah thukiciamna Lungdamna Thu hilh nadingin a teelsa sawltak a, hong koih, Khazih Zeisu’ nasem keimah Paul in