Marka 9:48 - Tedim Bible

⁴⁸ Than a sih lohna, mei a mit ngeilo hel khua sungah mittang kim nei-in hong khul sangin, mittang khat guak tawh Pasian Gam sungah na tum leh, nang ading a hoihzaw hi.

Tedim Bible Revision 2017

⁴⁸ Tua hell khuk sungah thante si ngei lo a, a mei zong mit ngei lo hi.

Marka 9:48 Referans Kwoze

Isaiah 66:24

Amaute a ciah uh ciangin kei hong lehdo mite’ luanghawmte en ding uh hi; bang hang hiam cih leh amau a ne thante si ngei loin, amau a kihalna mei mit ngei lo ding a, amaute pen mi khempeuh’ kih hi ding uh hi, a ci hi.

Mattiu 25:41

Tua ciangin, a veilamah a omte kiangah Kumpipa in, ‘Ciamsiatna a thuak mite aw, dawimangpa leh ama nungzuite ading a kibawl meikuang tawntung sungah kei kiang panin paikhia un.

Jeremiah 4:4

Judah mite leh Jerusalem khua mite aw, Topa’ tungah vun at un la, na lungtang uh vun at un. Na tua cih kei leh na bawl uh mawhnate hangin, ka hehna mei bangin hong kuangkhia ding a, a phelh zo kuamah om lo ding hi,” a ci hi.

Mattiu 3:12

A khut in lawhpi tawi a, ama buhphual zap siang ding a, a tak teng a sal sungah a koih ding hi. A site ahih leh, mit ngei lo mei in a hal ding hi,” ci-in Johan in a gen hi.

Marka 9:49

Bang hang hiam na cih leh, mi khempeuh mei tawh cisawh bangin a kisawh ding uh hi.

Luka 3:17

Ama buh phual a zapsiang nadingin a khutin lawhpi a tawi hi. A tak teng a sal sungah koih ding hi. A site ahih leh, mit ngeilo mei-in hal ding hi,” ci-in a hilh hi.