Marka 9:25 - Tedim Bible

²⁵ Tua lai takin mihonpite kikhawm dingin hong tai uh a, Zeisu in a muh ciangin, “Bengngong leh pauthei lo dawi aw, ama sung pan paikhia in. Tu nung ciangin tum kik nawn kei in, thu kong pia hi,” ci-in kihhuai dawi a taai ciangin,

Tedim Bible Revision 2017

²⁵ Mihonte amau kiangah a hong kikhawm dingin a hong taina uh Jesu in a muh ciangin, “A pau thei lo, a bilngong dawi aw, hih naupang sung pan paikhia inla, tumkik ngei nawn kei in,” ci-in a taii hi.

Marka 9:25 Referans Kwoze

Sawltak 16:18

Tua bangin ni tampi a hih hi. Paul in lungdam lo a, kihei-in, “Zeisu Khazih’ min tawh ama sung pan na paikhia in, thu kong pia hi,” a cih ciangin tua dawi in thakhatin a taikhia hi.

Luka 9:42

A pai lai takin dawi in naupang lei ah puksakin a kongkawsak hi. Zeisu in kihhuai dawi taai a, naupang a damsak khit ciangin a pa kiangah a pia hi.

Marka 9:15

Thakhatin mihonpite khempeuh in Zeisu a muh uh ciangin lamdang a sa uh a, a kiangah tai-in amah a hopih uh hi.

Mattiu 17:18

Zeisu in tua dawi a taai ciangin, naupang sung pan paikhia a, tua hun akipanin naupang a dam hi.

Juda 1:9

Vantungmite a ukpa Mikhael nangawn in Dawimangpa tawh kidoin, Moses’ luang tawh kizomin a kinial lai takin, kisiatna bawl ngam loin, “Topa in nang hong taai hen,” a ci bek hi.

Luka 11:14

Zeisu in a pau thei lo dawi a hawlkhia hi. Dawi a paikhiat khit ciangin, a pau thei lopa a pau thei hi.

Luka 8:29

Hih thu bang hangin a thuum hiam i cih leh, Zeisu in kihhuai dawi in tua pa sung pan a taikhiat nadingin thu a pia hi. Dawi in tua pa tamveipi a man zo hi. Sikkhau tawh kihen a, kolbulh in, a kikhum hangin, a sikkhau peeksat a, dawi in gampa lakah a hawlkhia hi.

Luka 4:41

Dawite in zong, “Nang in Pasian’ Tapa na hi hi,” ci-in kikoin mi tampite sung pan a paikhia uh hi. Amah in Khazih ahih lam a theih manun, Amah in amaute taii-in kam khat beek a pausak kei hi.

Luka 4:35

Zeisu in, “Pau kei in la, ama sung pan paikhia in,” ci-in a taai hi. Dawi in amaute lai zangah amah a puksak khit ciangin, natna bawl loin ama sung pan a paikhia hi.

Zekhariah 3:2

Topa’ vantungmi in Satan kiangah, “Satan aw, Topa in nang hong taai hi. Jerusalem a it Topa in nang hong taai hi. Hih Joshua pen, meikhuk sung panin a kiteenkhia singkhuah tawh kibang hi,” a ci hi.

Mattiu 12:22

Tua ciangin dawi lut a, mittaw, a pauthei lo mi khat Zeisu kiangah a paipih uh a, a damsak ciangin, tua pa in khua mu thei a, a pau thei pah hi.

Marka 9:24

Naupang’ pa in thakhatin kiko a, “Ke’n ka um hi. Ka up lohna hong huh in,” ci-in a ngen hi.

Marka 9:26

dawi in kiko-in naupang nakpi-in a kongkawsak khit ciangin a paikhia hi. Naupang in misi tawh kibang ahih ciangin mi tampi in, “A si zo hi,” a ci uh hi.