Marka 9:24 - Tedim Bible

²⁴ Naupang’ pa in thakhatin kiko a, “Ke’n ka um hi. Ka up lohna hong huh in,” ci-in a ngen hi.

Tedim Bible Revision 2017

²⁴ Thakhatin naupangʼ pa kiko a, “Ka um hi; ka upna a kicin nadingin hong huh in,” a ci hi.

Marka 9:24 Referans Kwoze

Luka 17:5

Sawltakte in, “Komau’ upna khangsak ta in,” ci-in Topa kiangah a gen uh hi.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

Efesa 2:8

Bang hang hiam na cih uh leh, note in thu-upna hangah hehpihna tawh gupna na ngah zo uh hi. Note ut thu-a ngah na hi kei uh hi: Pasian’ letsong ahi hi.

2 THESALONIKA NIHNA 1:11

Tua ahih ciangin i Pasian leh Topa Zeisu Khazih’ hehpihna thupha tawh kizui-in tua i Topa Zeisu’ min in note hangin vangliatna a ngah nading ahi zongin, note in zong tua Topa hangin vangliatna na ngah nading uh ahi zongin note in hong sapna thupha a ngah ding a kilawm mi ci-in eite Pasian in hong ciamtehin,

2 THESALONIKA NIHNA 1:3

Ute naute aw, na upna uh khang mahmahin, note khempeuh khat leh khat na ki-itna uh zong khang ahih ciangin, kote in hih ding a kilawm bangin note hangin Pasian’ hehpihna ka phat tawntung uh hi.

Filippi 1:29

Bang hang hiam na cih uh leh, note in ni danga na muh uh bangin, tu-in na zak uh bangin ka thuak galdona bangin, note in zong na thuak uh ahih ciangin Khazih upna bekah hi loin, ama hanginah gimna thuak nading zong thu na ngah uh hi.

Late 126:5

Khitui tawh khai a tuhte, lungdam-a kikona tawh an lasak ta in!

2 KORIN NIHNA 2:4

Bang hang hiam na cih uh leh, lungman’na leh dahna tawh khitui tampi luangin lai ka hong gelh hi. Note heh nadingin ka hong gelh ahi kei hi: note ka hong itna lungsim na theih nadingun ka hong gelh hi.

Hebru 5:7

Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

Sawltak 10:31

Kornelias aw, na thungetna teng ka za zo hi. Na hehpihna na piak teng Pasian in a ngaihsun zo hi.

Jeremiah 14:17

“Jeremiah aw, amaute’ kiangah hih bangin va ci in: ‘Sun-le-zanin ka khitui luangluang hen la, kang ngei kei ta hen; bang hang hiam cih leh ka mite in nakpi-in liamna a thuak uh a, nakpi takin a kisat hi.

Luka 7:44

Tua ciangin numei lam kihei a, “Nang in hih numei na mu hiam? Na innah kong lut lai-in khe sil nading tui nong pia kei hi. Hih numei in ka khe khitui tawh kawtsak a, a sam tawh a nul zo hi.

Luka 7:38

a nung lam pan a khe kiangah ding-in kap a, a khe khitui tawh kawtsakin, a sam tawh a nul hi. Ama khe zong nam a, paknamtui tawh a zut hi.

Late 39:12

“Topa aw, ka thungetna hong ngai in la, ka kikona hong za in; ka khitui luan’na hong don loin om mawk kei in; Bang hang hiam cih leh ka pu ka pate khempeuh bangin keimah in na zin, na peemta ka hi hi.

2 KUMPI NIHNATE 20:5

“Kileh kik in la, keima mite’ makai Hezekiah kiangah hih bangin gen in. Na pa David’ Pasian, Topa in hih bangin ci hi: Na thungetna ka za khin a, na khituite ka mu khin hi; en in, nang kong damsak ding a; ni thum ni-in Topa’ innah na paito ding hi.

2 SAMUEL NIHNA 16:12

Topa in ka thuakna hong en-in, tu ni-a kei hong samsiatna hangin Topa in a hoih tawh kei hong thuk kha ding hi,” a ci hi.

Hebru 12:17

Note in na theih uh mah bangin Esau in a nung ciangin a luah nop hangin nialna a ngah hi. Khitui luangin a zon’ hangin a pa’ lung kikheel nading thu a mu kei hi ci-in na thei uh hi.

Sawltak 10:19

Piter in a mangmuhna a ngaihsut lai takin Kha Siangtho in, “Mi thumte in nang hong zong uh hi.

Marka 9:23

Zeisu in, “Na bawl theih leh,’ na ci hiam? A um mi ading ahi thei lo a om kei hi,” a ci hi.

Marka 9:25

Tua lai takin mihonpite kikhawm dingin hong tai uh a, Zeisu in a muh ciangin, “Bengngong leh pauthei lo dawi aw, ama sung pan paikhia in. Tu nung ciangin tum kik nawn kei in, thu kong pia hi,” ci-in kihhuai dawi a taai ciangin,