Marka 9:21 - Tedim Bible

²¹ Zeisu in, “Hih natna a kipat zawh bang tanvei pha zo ahi hiam?” ci-in naupang’ pa a dot ciangin a pa in, “A neu lai pek pan akipan hi.

Tedim Bible Revision 2017

²¹ Jesu in, “A nat zawh bang tanvei sawt ta ahi hiam?” ci-in a pa kiangah a dong hi. “A neu tung a kipan ahi hi.

Marka 9:21 Referans Kwoze

Sawltak 9:33

Tua khua-ah Aineas kici a khut a khe a si, kum giat tawntung a lupna tungah a om mi khat a mu hi.

Sawltak 14:8

Listra khua-ah a nu gil sung pan a khe zaw a, khatvei beek lam pai ngei lo thahat lo mi khat in tu-in a om hi.

Sawltak 4:22

Bang hang hiam i cih leh, hih cidamna a ngah nalamdang bawlna a ngahpa in kum sawmli val a pha zo mi ahi hi.

Sawltak 3:2

a nu gil sung pan a khebai mi khat midangte in pua uh a, biakna innpi-a lut mite kiangah khutdawh ngen dingin Hoih Kongkhak kici gei-ah ni simin a koih uh hi.

Johan 9:1

Zeisu lampi-ah a pai lai takin a nu’ sung pan mittaw khat a mu hi.

Luka 13:16

Kum sawm leh kum giat Satan in a hencip Abraham’ tanu hih numei in Nipi ni-in kikhah tuak hilo ahi hiam?” ci-in a gen hi.

Luka 8:43

Tua lai takin, kum sawm leh kum nih tawntung si luang cinatna vei a, a neihsa tengin zatote a guaih hangin kuamah in a damsak zawh loh numei khat in,

Marka 5:25

Tua lai takin kum sawm leh kum nih tawntung si luang cinatna vei a,

JOB (Job) 14:1

“Mihingte a nuntak hun tom a, lungkhamna tawh kidim hi.

JOB (Job) 5:7

mei-ek a tolen’ ngei mah bangin mihing in ama lungkham nading mah piangsak hi.

Late 51:5

En in, a khialsa mahin kei ka suakkhia a, ka nu in hong paai cil-a kipan a mawhsa ka hi hi.

Marka 9:20

Amaute in a hong paipih uh leh, Zeisu a muh ciangin dawi in naupang thakhatin kongkawsak a, lei tungah puk a, cilphuan bua-in a kipeek sawnsawn hi.

Marka 9:22

Naupang a kisiat nadingin tamveipi meikhuk sungah, tamveipi tui sungah a puksak hi. Ahih hangin, na khat peuhmah na bawl theih leh, kote hong hehpih in la, hong huh in,” ci-in ngen hi.