Marka 8:36 - Tedim Bible

³⁶ Mi khat in leitung khempeuh a ngah hangin, ama nuntakna mangthangsak leh, bang phattuamna ngah ding ahi hiam?

Tedim Bible Revision 2017

³⁶ Mi khatpeuh in hih leitung khempeuh a ngah hangin a nuntakna bulpi suplawh leh bang phattuamna om ahi hiam?

Marka 8:36 Referans Kwoze

Mattiu 16:26

Mi khat in leitung khempeuh a ngah hangin ama nuntakna mangthang leh, bang phattuamna ngah ding ahi hiam? Mi khat in ama nuntakna bang sum tawh lei kik thei ding ahi hiam?

Late 49:17

Bang hang hiam cih leh a sih ciangin bangmah keng lo ding a, a minthan’na in amah zuisuk lo ding hi.

Luka 9:25

Mi khatpeuh in leitung khempeuh a ngah hangin, ama nuntakna mangthang leh, bang phattuamna ngah ding ahi hiam?

ROM (Romans) 6:21

Tua ahih leh, tu-in zumhuai na sak uh tua gamtatna na bawl lai takun, bang phattuamna na ngah uh hiam? Tua gamtatnate’ tawpna lampi in sihna ahi hi.

Malakhi 3:14

Note in, ‘Pasian’ na i sep a mawkna hi. Ama hong sawl bangin i sep hangin bang a kiman’na om a, i gamtatnasate hangin i dahna lim, Vanglianpen Topa’ mai-ah i lah hangin bang phattuamna om ahi hiam?

JOB (Job) 2:4

Tua ciangin Satan in Topa dawngin, “Vun bek in vun mah lei zo bek, ci-in paunak a om mah bangin mi khat in ama nuntakna a hutna-in a neih khempeuh pia ngam ding hi.

JOB (Job) 22:2

“Mihing a pil pente i cih nangawn, ama pumpi’ ading cih loh buang, Pasian’ ading a kiman’na om lo hi.

Marka 8:35

Bang hang hiam na cih uh leh, ama nuntakna a gum nuamte in a nuntakna a mangthangsak ding hi. Kei hang ahi zongin, Lungdamna Thu hang ahi zongin nuntakna a mangsakte in a nuntakna a gum ding hi.

Marka 8:37

Mi khatpeuh in ama nuntakna bang sum tawh lei kik thei ding ahi hiam?