Marka 8:35 - Tedim Bible

³⁵ Bang hang hiam na cih uh leh, ama nuntakna a gum nuamte in a nuntakna a mangthangsak ding hi. Kei hang ahi zongin, Lungdamna Thu hang ahi zongin nuntakna a mangsakte in a nuntakna a gum ding hi.

Tedim Bible Revision 2017

³⁵ Hih a leitung nuntakna a hu nuamte in a nuntakna bulpi nangawn tawh suplawh dinga, keima hang le lungdamna thu hangin a nuntakna a suplawhte in a nuntakna bulpi hu zo ding hi.

Marka 8:35 Referans Kwoze

1 KORIN MASA 9:23

Midangte tawh Lungdamna Thu ka ngah khawm nadingin Lungdamna Thu ading na khempeuh ka bawl hi.

2 TIMOTI NIHNA 1:8

Tua ahih ciangin Topa teci pan’na ahi zongin, tua Topa’ thongkiapa ahi keimah ah ahi zongin zum kei in. Pasian hong piak a vangliatna bangin Lungdamna Thu tawh kizomin gimna na thuak in.

Luka 17:33

Ama nuntakna a gum nuam peuhmah in nuntakna a mangthangsak ding hi. A nuntakna a mangthangsak peuhmah in nuntakna a gum ding hi.

Mattiu 16:25

Bang hang hiam na cih uh leh, ama nuntakna a gum nuamte in a nuntakna a mangthangsak ding hi. Kei hangin a nuntakna a mangsakte in nuntakna a ngah kik ding hi.

Mattiu 19:29

Kei min hangin a inn, a sanggampa, a sanggamnu, a nu a pa, a tate, tua teng a nusiate khempeuh in a zah zakhat ngah a, nuntak tawntungna a luah ding uh hi.

Mattiu 10:39

Ama nuntakna a ngahte in, a nuntakna a mangthang ding hi. Keimah hanga nuntakna a mangsakte in, nuntakna a ngah ding uh hi.”

2 KORIN NIHNA 12:10

Tua ahih ciangin Khazih hangin thanemna, kosiatna, zawn’khalna, bawlsiatna, a haksa gimna ka thuak ciangin ka nuam hi. Bang hang hiam na cih uh leh, ka thanem ciangin ka thahat hi.

Sawltak 9:16

Keima min hangah bangzah takin a thuak nading ke’n ka lak ding hi,” ci-in a gen hi.

Luka 9:24

Bang hang hiam na cih uh leh, a nuntakna a gum nuamte in a nuntakna a mangthangsak ding hi. Keima hangah a nuntakna a mangsakte in a nuntakna a gum ding hi.

Mangmuhna 12:11

Amaute in Tuuno’ sisan hangin ahi zongin, amaute teci pan’ na hangin ahi zongin zoin, sihna thuak dongin a nuntakna uh haza lo uh hi.

Mattiu 10:22

Keima min hangin, mite khempeuh in note hong mudah ding uh hi. A tawp dongin a thuak zote in gupna a ngah ding uh hi.

Mangmuhna 2:10

Nang in na thuak ding lai takte kihta kei in. Ze-etna na thuak nadingun note kimkhat Dawimangpa in thong sungah hong khia-in, note in nisawm sung gimna na thuak ding uh hi. Nangmah in sihna na thuak dongin thumanin om in. Tua hi leh, nuntakna kumpilukhu nang kong pia ding hi.

Sawltak 21:13

Paul in zong, “Bang dingin kapin ka lungsim kizan nading na hih uh hiam? Topa Zeisu’ min hangin Jerusalem khua-ah kihen tham loin, sihna nangawn thuak dingin ka omkhol hi,” a ci hi.

Mangmuhna 7:14

“Topa aw, nang na thei hi,” ka ci kik a, tua upa in, “Tua mite in gimna lianpi sung pan hong pusuakkhia mi ahi uh hi. Amau puante zong Tuuno’ sisan tawh kisawp siang a, a kipaaksak uh hi.

Hebru 11:35

Numeite in sihna pan thokikin amau misite a ngah kik uh hi. Kimkhat in a phazaw thawhkikna a ngah nadingun suahtakna sang loin nakpi satna a thuak uh hi.

Sawltak 20:24

Ahih hangin Pasian’ hehpihna Lungdamna Thu hilh nading Topa Zeisu’ khut sung pan ka ngah za ahi, ka nasepna ka zawh theih nadingin ka nuntakna keimah ading phamawh ka sa kei hi.

Marka 8:36

Mi khat in leitung khempeuh a ngah hangin, ama nuntakna mangthangsak leh, bang phattuamna ngah ding ahi hiam?

Thuhilh-sia 3:6

Zon’ hun om a, mansuah hun om hi. Kep hun om a, paihkhiat hun om hi.