Marka 8:23 - Tedim Bible

²³ Zeisu in mittawpa a khut tawh kai a, khua nawlah a paipih khit ciangin, a mittang cil phih a, a tungah khut a ngak khit ciangin, “Na khatpeuh peuh na mu thei hiam?” ci-in a dong hi.

Tedim Bible Revision 2017

²³ Jesu in tua mittaw paʼ khut lenin khua nawl ah a paipih hi. A mipaʼ mitah a cil a phih khit ciangin a khut tawh lawng a, “Na khat peuhpeuh na mu thei hiam?” ci-in a dong hi.

Marka 8:23 Referans Kwoze

Marka 7:33

Zeisu in tua pa mihonpi lak pan samkhia a, gam daihna munah a paipih khit ciangin, a khutmete a bil lang nih sungah guangin, a cil phih a, a leii zong a lawng hi.

Marka 5:23

“Ka tanu a si dektak zo hi. Topa hong pai-in, damkik a, a hin’ theih nadingin ama tungah na khut ngak nadingin kong ngen hi,” ci-in a thuum hi.

Sawltak 9:8

Saul lei pan a thawh ciangin a mit hak a, kuamah mu thei lo ahih maninah amaute in a khut len uh a, Damaskas khua-ah a paipih uh hi.

Isaiah 51:18

Na tate khempeuh sung panin nang a hong makaih ding om lo a, na khoisa tapate khempeuh lak panin na khut a hong len ding om lo hi.

Isaiah 44:2

Nangmah a hong bawl, gil sung panin nang a hong piangsak, nang a hong huh ding Topa in hih bangin ci hi: Ka nasempa Jakob aw, ka teelsa Israel aw, lau kei in.

Mangmuhna 3:18

nang in na hauh nadingin mei tawh kisiang saksa kham ahi zongin, puan nei loin omin na zumhuaina a kilat loh nadingin nangma silh ding puanpaak ahi zongin, mit khuamuh nadingin nuh ding mit-za ahi zongin kei kiang pan na lei nading kong hansuah hi.

Jeremiah 31:32

Tua pen, a pu a pate uh, Izipt gam pana ka lakkhiat nadingin a khut uh tawh ka kaih khiat huna ka bawl uh thu thuciamna tawh kibang lo ding hi. Tua lai-in amaute’ pasal ka hih hangin ka thuciamna a hong palsat uh hi, Topa in kong ci hi.

Marka 8:24

Amah a ettoh leh, “Mite ka mu hi; amaute singkung pai bangin ka mu hi,” a ci hi.

Marka 8:26

Zeisu in tua pa innah ciahsak a, “Khua sungah na lut kei in,” ci-in thu a pia hi.

Sawltak 23:19

Galkap mangpa in tangvalpa’ khut lenin, a kilang lona-ah paipih a, “Bang thu hong ko nuam na hi hiam? ci-in a dong sim hi.