Marka 7:5 - Tedim Bible

⁵ Farisaite leh laitheite in, “Tanglai upate’ ngeina na nungzuite in zui loin, khut nin tawh bang hangin an ne ahi uh hiam?” ci-in a dong uh hi.

Tedim Bible Revision 2017

⁵ Tua ahih manin Farisi mite le Thukham hilh siate in Jesu kiangah, “Bang hangin na nungzuite in, khanglui lai pek panin tu ni dongin a kizui pulepa ngeinate zui loin, khut sil loin an ne ahi uh hiam?” ci-in a dong uh hi.

Marka 7:5 Referans Kwoze

2 THESALONIKA NIHNA 3:6

Ute naute aw, kote kiangah na san’ uh ngeina thu bangin a gamta lo, thadahin a zulhtat ute naute khempeuh na pel un ci-in i Topa Zeisu Khazih’ min tawh thu kong pia uh hi.

Sawltak 21:21

Gentailte lakah a om Judah mite khempeuh in amaute’ tate vun atsak lo tham loin ngeina tang loin Moses thu nusia dingin na hilh hi ci-in hih mite in a za zo uh hi.

Galati 1:14

ka pu ka pate’ khut tung pan ka ngah ngeina siamin ka zuih zawk thu ahi zongin note in na thei uh hi.

Sawltak 21:24

Tua mite la in la, amaute tawh na kisiangtho sak in la, amaute a sam met nadingin dangka na sik ding hi. Tua bang na hih leh, mi khempeuh in nangma thu a zak uh ahi lo thu hi a, Thukham thu tangin khial loin na om hi cih a thei ding uh hi.

Mattiu 15:2

“Tanglai upate’ ngeina, na nungzuite in bang hangin palsat ahi uh hiam? Khut sil loin an a ne uh hi,” ci-in a ko uh hi.

ROM (Romans) 4:12

vun atna a thuak tham loin i pa Abraham in vun atna a thuak nai loh lai takin upna lam a zuite khempeuh’pa uh a suah nading ahi zongin, Abraham in vun atna a thuak nai loh lai takin upna a neih dikna-a ciamtehna ahi vun atna lim a ngah hi.

2 THESALONIKA NIHNA 3:11

Note lakah amau’ na bangmah sem lo a, amau tawh kisai lo thute ah a kitaaklah, a vakthap mi kimkhat a om hi cih thu ka za uh hi.

Marka 7:8

Note in Pasian thukham na paai uh a, mite kiang pan na ngah uh ngeina na zui uh hi.”

Marka 7:9

“Note in na ngeina uh na zuih theih nadingun Pasian’ thukham na nial uh hi.

Marka 7:13

na kipiak ngeina uh zui-in Pasian thu na mawk valsak uh hi. Tua bang gamtatna tampi na zui uh hi,” a ci hi.