Marka 7:36 - Tedim Bible

³⁶ Tua thu kuamah kiangah a gen loh nadingin amaute a kham hi. A kham semsem hangin, amaute in tua thu a tangko semsem uh hi.

Tedim Bible Revision 2017

³⁶ Kuama kiangah hih thute a gen loh nadingun Jesu in kham a, ahi zongin nak kham le nak gen semsem zawsop uh hi.

Marka 7:36 Referans Kwoze

Mattiu 8:4

Zeisu in, “Hih thu kuamah kiangah na gen kei in. Pasian’ siampi kiangah pai inla, va kilak in. Amau in a theih nadingun Moses’ thu piaksa bangin biakna na pia in,” a ci hi.

Marka 8:26

Zeisu in tua pa innah ciahsak a, “Khua sungah na lut kei in,” ci-in thu a pia hi.

Marka 5:43

Tua thu kuamah in a theih loh nadingin Zeisu in amaute nakpi-in a kham khit ciangin, numeino an piak dingin thu a pia hi.

Marka 3:12

Amah kua mi ahi cih gen lo dingin nakpi-in a kham hi.

Marka 7:35

Tua lai takin mipa a bil kihong a, a leii gui kikhah khia-in pha takpi-in kam a pau thei hi.

Marka 7:37

Amaute in a kigen thei lo zah dongin lamdang a sa uh a, “Amah in na khempeuh phatakin a bawl zo hi. Bengngongte khua zasak zo a, pau thei lote a pausak thei zo hi,” ci-in a gen uh hi.

Marka 9:9

Amaute mualtung pan a kumsuk lai takun Zeisu in, “Mihing Tapa in sihna pan a thawhkik matengin na muhte uh kuamah kiangah gen kei un,” ci-in a nungzuite a kham hi.