Marka 7:34 - Tedim Bible

³⁴ Vantung ento-in khuisa a, kihong ta hen cihnopna-in “Effatha” a ci hi.

Tedim Bible Revision 2017

³⁴ vantung lam en to a, khuisa-in, “Kihong in,” a cihnopna ahi “Effatha” a ci hi.

Marka 7:34 Referans Kwoze

Johan 11:41

Tua ahih ciangin amau in suang a lemkhia uh hi. Zeisu dakto a, “Pa aw, nang in keima thu hong ngai na hih ciangin na hehpihna ka phat hi.

Marka 6:41

Zeisu in khomun nga leh ngasa tawn nih la a, vantung lam ento-in hehpihna a phat khit ciangin, khomun balnenin mite mai-ah lui dingin a nungzuite a pia hi. Ngasa tawn nih zong amaute khempeuh lakah a hawmsak hi.

Marka 5:41

a khut lenin, “Talitha kumi,’ a ci hi. A khiatna in, “Numeino aw, tho in kong ci hi,” a cihnopna hi.

Sawltak 9:34

Piter in, “Aineas aw, Zeisu in nang hong damsak zo hi. Tho in la, na lupna na phah in,” a cih ciangin amah in thakhatin a tho hi.

Johan 11:33

Mari akipan amah tawh hong paikhawm Judah mite a kap uh Zeisu in a muh ciangin, a sin sungah khuisa-a lungmangin,

Marka 15:34

Nai thum lai takin Zeisu in,”Elio, Elio, Lama Sabakthani,” ci-in nakpi-in a kiko hi. A khiatna in, ‘Ka Pasian, ka Pasian aw, bang dingin kei hong taisan na hi hiam?’ a cihnopna hi.

Marka 8:12

Zeisu in a lungsim sungah khuisa a, “Hih khang mite in bang hangin lim a ngen uh hiam? Ke’n aman takpi kong cih-inah, hih khang mite ading lim a kilak kei ding hi,” a ci hi.

Sawltak 9:40

Piter in tua mi khempeuh a paikhiatsak khit ciangin khukdin’in thungen a, si-luang lam kihei-in, “Tabitha aw, tho in,” a ci hi.

Johan 11:43

Tua bang a cih khit ciangin, “Lazaras aw, hong paikhia in,” ci-in nakpi-in a kiko hi.

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.

Johan 17:1

Zeisu in hih thute a gen khit ciangin vantung lam ento a, “Pa aw, ahun a tung zo hi. Tapa in nang hong minthan’sak nadingin, na Tapa hong minthangsak in.

Johan 11:38

Tua ciangin Zeisu in a sungah khuisa kawmin hanah a pai hi. Tua han in leihawm hi a, suang tawh a kisin hi.

Johan 11:35

Zeisu a kap hi.

Luka 19:41

Zeisu in a naih ciangin khuapi mu-in kap a,

Luka 18:42

Zeisu in, “Na mit in khua mu hen. Na upna in hong damsak zo hi,” a ci hi.

Luka 7:14

A khut tawh lang lawng a, a puate a khawlsak hi. Zeisu in, “Tangvalpa aw, tho in ci-in nangma kiangah kong ci hi,” a cih leh,

Marka 1:41

Zeisu in hehpihhuaisa-in a khut zanin lawng a, “Ka hih nuam hi, na dam ta in,” a cih leh,

Isaiah 53:3

Amah pen mite in simmawhin nusia hi; gimna leh natna a thuak mi ahi hi; mite in en nuam loin a mai uh a humsan mipa bangin amah kisimmawh a, eite in amah i thusim kei hi.

Paikhiatna 2:23

Tua ni tampi hun sung kikalin Izipt kumpipa si hi. Israel mite a salsuahna sung uh-ah thumin, huhna ngenin kiko khia uh a, a salsuahna sung uh-ah amau’ kikona Pasian' kiang tung hi.

Marka 7:35

Tua lai takin mipa a bil kihong a, a leii gui kikhah khia-in pha takpi-in kam a pau thei hi.