Marka 7:29 - Tedim Bible

²⁹ Zeisu in, “Tua thu hangin nang pai in, na tanu’ sung pan dawi a paikhia zo hi,” a ci hi.

Tedim Bible Revision 2017

²⁹ Jesu in nupi kiangah, “Hih banga na kampauna hangin na inn ah ciah ta in; na tanu sung panin dawi a paikhia zo hi,” a ci hi.

Marka 7:29 Referans Kwoze

Mattiu 5:3

“Lungsim niamkhiatte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.”

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

1 JOHAN MASA 3:8

Mawhna a bawl mi in Dawimangpa tawh a kipawl hi. Bang hang hiam na cih uh leh, a cil panin Dawimangpa in mawhna a bawl zo hi. Dawimangpa’ bawl nate a siasak dingin Pasian’ Tapa hong kilang zo hi.

Marka 7:28

numei in, “Ahi mah hi, Topa aw, uite in tate anneng kiate sabuai nuai-ah a ne uh hi,” a ci hi.

Marka 7:30

Numei a innah ciah a, numeino in lupna tungah lum a, dawi a paikhia zo cih a mu hi.