Marka 7:24 - Tedim Bible

²⁴ Zeisu tua mun pan tho a, Tai-ar leh Sidon khua nai lamah a pai ciangin, inn khatah lut a, kuamah in a theih loh nading a ut hangin bu-in a kiseel zo kei hi.

Tedim Bible Revision 2017

²⁴ Tua lai panin Jesu ding khia-in Taia khua kiim gamah a pai hi. Inn khat sungah lut a, kuamah in a theih loh ding a ut hangin a busim thei kei hi.

Marka 7:24 Referans Kwoze

Mattiu 11:21

“Khorazin khuapi aw, nangmah in gimna na thuak ding hi. Bethsaida khuapi aw, nangmah in gimna na thuak ding hi. Bang hang hiam na cih uh leh, note sungah hong kilak vangliatnate in Tai-ar khuapi leh Sidon khuapi sungah kilak ngei leh, amau in sawtpi pekin khautang puan silhin, vut tawh kibuakin a kisik kik zo ding uh hi.

Ezekiel 28:2

“Ezekiel aw, Tai-ar khuapi a ukpa kiangah Topa Pasian keimah in ka gen nop thu, ama tungah hih bangin gen in: Kisak theihna lungsim lianpi nei-in tuipite’ laizang ah pasian’ tokhom tungah tu-in, kei in pasian khat ka hi hi, na ci hi. Nang in pasian bangin pil na kisak hangin, mihing khat na hi lel bek hi.

1 TIMOTI MASA 5:25

Tua mah bangin a kilang gamtatna hoih a om thei hi, a kilanglo gamtatna hoih a kiseel zo kei hi.

Mattiu 9:28

Innah a lut ciangin mittawte in Zeisu kiangah va nai uh a, Zeisu in, “Hih thu bawl thei-in na hong um uh hiam?” ci-a a dot ciangin amau in, “Ka um uh hi, Topa aw,” a ci uh hi.

Piancilna 10:15

Kanaan in ama' sung pan a suak masa Sidon, Heth

Marka 2:1

Ni tomno khit ciangin Zeisu in Kapernaum khua-ah lut kik a, inn sungah a om thu mite in a za uh hi.

Isaiah 42:2

Amah kiko loin, awng khia lo a, kongzing lakah zong thu gen zakzak lo ding hi;

Isaiah 23:12

Amah in, “Sidon Tanu Siangtho aw, na lungdamna teng bei khin ta hi. Na mite in nenniamna thuak uh a, Saipras tuikulh ah a va tai uh hangin, tua lai nangawnah lungnopna hun nei lo ding uh hi,” ci hi.

Piancilna 49:13

Zebulun in tuipi gei-ah teeng ding hi; amah in teembaw khawlmun suak ding a, Sidon ciangah a gamgi om ding hi.

Piancilna 10:19

Kanaan mite’ gam in Sidon panin kipanin Gerar lam manawhin Gaza ciang dong ban a, Sodom lam panin, Gomorrah, Admah, Zeboi-im, Lasha ciang dong ban hi.

Marka 7:23

mi gensiatna, kiphatsakna, mawktatna, hih gitlohna khempeuh in sung lam pan a paikhia uh a, mi a ninsak uh hi,” a ci hi.

Marka 7:25

A tanu sungah dawi lut numei khat in Zeisu a om thu a zak ciangin, thakhatin hong pai a, a khe kiangah bokin,

Marka 7:31

Zeisu in Tai-ar gam pan paikhia a, Sidon gam a paltan khit ciangin, Dekapolis gam paisuakin Galile tuili a tung kik hi.