Marka 7:21 - Tedim Bible

²¹ Bang hang hiam na cih uh leh, mi sung pan a hoih lo ngaihsutna, numei tawh mawhna,

Tedim Bible Revision 2017

²¹ Bang hang hiam cih leh mihingteʼ lungsim sung panin nungak tangval mawhnopna, guktaakna, mi thahna, zilepasal nei sate tawh mawhnopna,

Marka 7:21 Referans Kwoze

Jeremiah 17:9

“Lungsim in na khempeuh lakah a khem hatpen hi a, a kisia pha mahmah hi; kua in a thei thei ding hiam?

Mattiu 15:19

A hoih lo ngaihsutna, mithahna, mi’ zi tungah mawhna, numei tawh mawhna, mi’ sum gukna, zuauthu teci pan’na, mi gensiatna, tuate in lungsim sung pan a paikhia hi.

Sawltak 8:22

Tua ahih ciangin na khialhna na kisikkik in la, na lungsim ngaihsutna a kimaisak nadingin Pasian kiangah thu na ngen in.

Ezekiel 38:10

“Topa Pasian ahi keimah in nang Gog tungah kong gen in ah: Tua hun ding hong tun’ ciangin na lungsim sungah gitloh gamtat ding ngaihsut na kipan ding hi.

Mattiu 9:4

Zeisu in amau lungsim a theih ciangin, “Na sin sung uhah hoih lohna thu bang hangin ngaihsun na hi uh hiam?

Jeremiah 4:14

Jerusalem khua aw, nang hong kihotkhiat nadingin, na lungsim sung panin gitlohna sawpkhia in. Na sungah gitlohna lungsim bang tan vei kem cip ding na hi hiam?

Paunak 4:23

Na lungsim ngaihsutnate in nuntakna nak hi a, na neihsa a manphapen bangin na kep ding ahi hi.

Luka 16:15

Zeisu in, “Note in mite mai-ah phatna na lak nuam uh hi. Ahih hangin Pasian in note lungsim uh a thei hi. Bang hang hiam na cih uh leh, mite phatna in Pasian mai-ah kihhuaina ahi hi.”

Isaiah 59:7

Siatna bekbek na gelgel uh a, na hih ding uh na ngaklah mahmah uh hi. Mawh nei lo mite sisan luan ding haksa na sa kei uh hi. Na paina khempeuh uhah siatna vive om kawikawi hi.

Late 53:3

Amaute a vekpi-un puk khin uh a, a kibangin kisia kim uh hi; a hoih gamtat khat beek om lo hi.

Late 14:3

Amaute a vekpi-in puk khin uh a, a kibangin kisia kim uh hi; a hoih gamtat khat beek om lo hi.

ROM (Romans) 7:8

Ahih hangin mawhna thu in thukham hangah thu ngah ahih ciangin ka lungsim sungah huaihamna apawlpawl a piangsak hi. Thukham om kei leh, mawhna a si ding hi.

Sawltak 5:4

Tua lo, nangma khut sungah a om lai takin nangma neihsa hilo ahi hiam? Na zuak khit ciangin na ngah a man in nangma sum hilo ahi hiam? Bang dingin na lungsim sungah hih bang hanciam na hi hiam? Mi tung bek a, zuauthu gen na hi kei hi, Pasian tungah zuauthu gen na hi hi,” a ci hi.

Paunak 15:25

Topa in mi kiphasakte’ inn phelkhiatsak a, meigongte’ neihsa hutpih hi.

Late 14:1

Mihai mi in a lungsim sungah, “Pasian om lo hi,” ci-in ngaihsun hi. Amaute sia uh a, kihhuai gamtatin, ahoih-a gamta kuamah om lo hi.

JOB (Job) 25:4

Pasian’ muhna-ah kua dik zo ding a, kua siangtho zo ding ahi hiam?

JOB (Job) 14:4

Mihing banga a ninte sung panin a siang bangmah hong piang lo ding hi.

Piancilna 8:21

Topa in a namtui gimnam a nap ciangin, a lungsim sungah, “Mi’ hangin leitang ka samsiat kik ngei nawn kei ding hi, bang hang hiam cih leh mi’ lungsim ngaihsutna pen a neucil panin gilo hi; tu-a ka hih bangin nuntakna a neite khempeuh zong ka susia ngei nawn kei ding hi.

Piancilna 6:5

Leitungah mihing’ gitlohna a liatna leh mihing' lungsim ngaihsutna peuhmah a sia a hih ngitngetna thu Topa in mu hi.

ROM (Romans) 7:5

Eite in i pumpi ngeina bangin gamta-in i om lai takin, mawhna tawh akipawl i lungsim in Thukham hangin piang a, sihna suahna gah a gah nadingin i pumpi tung nate sungah nasem hi.

Late 53:1

“Mihai mi in a lungsim sungah, Pasian om lo hi,” ci-in ngaihsun hi. Amaute sia uh a, a kihhuai gamta uh hi; a hoih-a gamta kuamah om lo hi.

Titu 3:3

Bang hang hiam na cih leh, nidang lai-inah eite in zong a pil lo mi, thungai lo mi, kheemna a thuak mi, deihgawhna a pawlpawl leh gualnop uukna’ sila i hi a, hazatna, en’na a gamta mi, a muhdahhuai mi, khat-le-khat kimudah mi i hi ngei hi.

Late 119:36

Nangma thuhilhnate’ lamah ka lungsim awnsak in la, ngah nading lamah awn sak kei in!

Isaiah 59:13

Nangmah hong lehdo-in, nang kong nungngat uh a, nangma thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.

Jeremiah 16:12

Note in na pu na pate sangun na siahuai zaw uh hi. Bang hang hiam cih leh, en un, note’ utna bang ciat na zui tentan uh a, ka thu nong ngai nuam kei uh hi.

Marka 7:20

Khatvei Zeisu in, “Mi sung pan a paikhiate in mi a ninsak thei hi.

Marka 7:22

mi’ sum gukna, mi thahna, mi’ zi tungah mawhna, huaihamna, gitlohna, mi kheemna, kihhuai deihna, een’na,

Kolose 3:5

Tua ahih ciangin numei tawh mawhna, kihhuai gamtatna, nu leh pa kilunggulh luatna, deihgawhna, milim biakna ahi, huaihamna note sungah a om nate sisak un.