Marka 6:52 - Tedim Bible

⁵² Bang hang hiam i cih leh, amau lungsim uh pil lo ahih ciangin khomun thu ciamteh lo uh hi.

Tedim Bible Revision 2017

⁵² Bang hang hiam cih leh lungsim navak lo uh ahih manin anlum tawh kisai thupiang tel thei lo uh hi.

Marka 6:52 Referans Kwoze

Luka 24:25

Zeisu in, “Kamsangte hong genkholh thu khempeuh up nadinga pilna nei lote aw,

Isaiah 63:17

Topa aw, kote in nang kong kihtak loh nadingun bang hangin na lampite panin hong khialsakin ka lungsim uh khauhsak na hi hiam? Nangma nasemte, nangma luah minamte na ngaihsutna-in hong kihei kik in.

Marka 16:14

Tua nung ciangin, nungzui sawm-le-khatte in an a nek laitakun Zeisu amaute kiangah kilang a, amah a thawhkik khit ciangin a mu mite’ thugen um lo ahih uh ciangin, amaute’ upkhialhna leh lungkhauhna hangin a mawhsak hi.

ROM (Romans) 11:7

Tua bang ahih leh, bang ci ahi hiam? Israel mite in a zon’ uh hangin a mu kei uh hi. A teelsate bek in a ngah uh hi. A om lai mite in a lung a khauhsak uh hi.

Marka 7:18

Zeisu in, “Note in zong lungpilna nei nai lo na hi uh hiam? Mi pua lam pan a sungah a lut khempeuh in, mi a ninsak zo lo thei lo na hi uh hiam?

Marka 3:5

Tua ciangin Zeisu in hehna tawh a kim en a, amaute lungkhauhna hangin dah a, tua pa kiangah, “Na khut zan in,” ci hi, a khut a zan leh, a dam hi.

Johan 12:40

“A mit uh tawsakin, a lungsim uh a khauhsak hi. Tua bang hih kei leh, a mit uh tawh mu-in, A lungsim uh tawh thei ding uh a; Amau cinatna ka damsak ding hi,” a cihna thu hangin amaute in a um kei uh hi.