Marka 6:51 - Tedim Bible

⁵¹ Gunkuang tungah amaute kiangah a kahtoh ciangin huihnung dai hi. Amaute in a lungsim sung uh ah lamdang a sa uh hi.

Tedim Bible Revision 2017

⁵¹ Tua ciangin amaute omna gunkuang tungah Jesu kah to a, huihpi zong a dai pah hi. Nungzuite in lamdang a sa mahmah uh hi.

Marka 6:51 Referans Kwoze

Marka 4:39

Zeisu thoin huihpi taai a, “Dai in,” ci-in thu a piak ciangin huihnung tawpa a dai pah hi.

Johan 6:21

lungdamin Topa gunkuang tungah a la uh a; gunkuang in amau pai nopna lei thakhatin a tun’ hi.

Marka 7:37

Amaute in a kigen thei lo zah dongin lamdang a sa uh a, “Amah in na khempeuh phatakin a bawl zo hi. Bengngongte khua zasak zo a, pau thei lote a pausak thei zo hi,” ci-in a gen uh hi.

Marka 6:32

Tua ahih ciangin, gunkuang tungah tuangin gamlak gam daihna-ah a pai uh hi.

Marka 5:42

Thakhatin numeino tho pah a, kalsuan hi. Bang hang hiam i cih leh, amah in kum sawm leh kum nih a pha zo hi. Amaute in thakhatin lamdang a sa mahmah uh hi.

Marka 4:41

Amaute in lau mahmah uh a, “Hih pa in kua mi ahi hiam? Huih leh tuipi nangawn in a thu ngai tazen uh hi,” ci-in khat leh khat a kikum uh hi.

Marka 2:12

Amah thoin thakhatin a lupna pua a, amau khempeuh mai pan a paikhia hi. Tuate khempeuh in lamdang a sa uh a, “Hih bang khatvei beek ka mu ngei kei uh hi,” ci-in Pasian a phat uh hi.

Marka 1:27

Mi khempeuhte in lamdang a sa uh a, “Hih thu in bang thu ahi hiam? Thuhilhna thak ahi hiam? Uk neihna tawh kihhuai dawite thu a piak ciangin amau in a thu a mang uh hi,” ci-in khat leh khat a kikum uh hi.

Mattiu 8:10

Zeisu in tua thu a zak ciangin lamdang sa a, “Ke’n aman takpi kong cih-inah, hih zah alian upna Israel mipawl lakah ka mu ngei kei hi.