Marka 6:48 - Tedim Bible

⁴⁸ A deih lohna uh lam panin huih in lehmut ahih ciangin, a nungzuite in gunkuang hot a gim mahmah a om uh Zeisu in mu a, khua vak dektak nai thum ciangin tuili tungah amaute kiangah pai a, a pel ding bangin a pai hi.

Tedim Bible Revision 2017

⁴⁸ Huih in a nungzuite lehmut ahih manin gunkuang hot zo loin haksa a sakna thu uh Jesu in a thei hi. Tua hi a, zingsang lam nai thum pan nai guk kikal khawngin a nungzuite kiang lamah tui tung tawnin Jesu a pai hi. Amaute a kheng suak ding bangin pai a,

Marka 6:48 Referans Kwoze

Luka 24:28

Amaute in a paina khua a naih uh ciangin, Zeisu in tua khua paisan ding bangin a pai leh,

Luka 12:38

Zankim lai tak ahi zongin, khuavak dek lai tak ahi zongin, topa hong ciah ciangin tua banga om a muh nasemte in thupha a ngah ding uh hi.

JOB (Job) 9:8

Amah bek in vanpi zal a, tuipi tuihualte tuancil hi.

Johan 1:13

Tua tate in si leh sa tawh suak ahi kei uh hi; mihing’ deihna bangin a suak kei uh hi, Pasian’ deihna bangin a suak uh hi.

Mattiu 14:24

Gunkuang ahih leh, tuili laizangah om a, a deih lohna uh lam panin huih in lehmut ahih ciangin, tui nakpi-in kilok a, gunkuangah a tuangte in a gim uh hi.

Isaiah 54:11

“Gimna a thuak, huihpi’ nawk gawp, hehnepna a ngah lo khuapi aw, en in, na suangte, suangvui hoih tawh ka ciang ding a, na bulpite pen suangmanpha tawh ka hih ding hi.

Late 104:3

Van-a om tui tungah na inn na lam a, meiipite, na leeng dingin na bawl a, huih khate' tungah na tuang hi.

Late 93:4

A sangna-a om Topa vanglian hi, tui tampi gingte sangin vanglian zaw hi, tuipi hualte sangin vanglian zaw hi.

1 SAMUEL MASA 11:11

A zing ciangin Saul in mite pawl thumin koih hi; tua ciangin amaute giahphual laizangah zingsang tungin hong pai uh a, sun nisat dong Ammonte vat tuk uh hi; a suakta mite kithehthang uh a, amaute mi nih nangawn a om khopna om nawn lo hi.

Piancilna 32:26

Tua ciangin amah in, “Khuavak ta ahih ciangin hong khah in,” ci hi. Ahih hangin Jakob in, “Kei thupha nong piak kei leh kong khah kei ding hi,” ci hi.

Piancilna 19:2

“Ka tote aw, kong thum hi, na nasempa’ inn lamah hong kihei un la, hong giak un, na khete uh sil un; tua ciangin zingsangin tho baihin na pai nading lam uhah pai pan un,” ci hi. Amaute in, “Hi lo hi; khua sung tualpi-ah ka giak ding uh hi,” ci hi.

Paikhiatna 14:24

Zingsang ciangin Topa in mei leh meii khuam sung panin Izipt mi honpite en sukin, Izipt mi honpite phial gawp a,

Mattiu 24:43

Gutate hong pai ding hun inn neipa in theikhol leh, ama inn a suksiat loh nadingin a pang ding hi, ci-in na thei ta un.

Marka 6:47

Nitak ciangin gunkuang in tuili lai zangah a om hi. Zeisu ahih leh, lei tungah amah guakin a om hi.

Marka 6:49

Ahih hangin tuipi tungah a pai amaute in a muh uh ciangin sikha sa-in a kiko uh hi.

Marka 13:35

Tua ahih ciangin na ngak un. Bang hang hiam na cih uh leh, inn teekpa in nitak ahi zongin, zankim laitak ahi zongin, ak khuan’ laitak ahi zongin, zingsang ciang ahi zongin cik cianga hong tung ding, note’n thei lo na hih uh ciangin na ngak un.