Marka 6:45 - Tedim Bible

⁴⁵ Zeisu in mihonte a paikhiatsak lai takin, a nungzuite gunkuang ah thakhatin tuangsakin, a gal khat Bethsaida khua-ah ama mai-ah a paisak hi.

Tedim Bible Revision 2017

⁴⁵ Tua khit phetin Jesu in a nungzuite gunkuang ah tuangsakin, a gal khat a om Bethsaida khua ah ma paisak a, amah in mihonte a khua ciatah a ciah dingin a sawl hi.

Marka 6:45 Referans Kwoze

Marka 8:22

Amaute in Bethsaida khua-ah a tun’ uh ciangin, mittaw mi khat a kiangah hong paipih uh a, tua pa a lawn’ nadingin a thuum uh hi.

Marka 6:32

Tua ahih ciangin, gunkuang tungah tuangin gamlak gam daihna-ah a pai uh hi.

Luka 10:13

“Khorazin khuapi aw, nangmah in gimna na thuak ding hi. Bethsaida khuapi aw, nangmah in gimna na thuak ding hi. Bang hang hiam na cih uh leh, note sungah hong kilak vangliatna in Tai-ar khuapi leh Sidon khuapi sungah kilak ngei hi leh, amau in sawtpekin khautang puan silhin, vut tawh kibuakin a kisik kik zo ding uh hi.

Mattiu 11:21

“Khorazin khuapi aw, nangmah in gimna na thuak ding hi. Bethsaida khuapi aw, nangmah in gimna na thuak ding hi. Bang hang hiam na cih uh leh, note sungah hong kilak vangliatnate in Tai-ar khuapi leh Sidon khuapi sungah kilak ngei leh, amau in sawtpi pekin khautang puan silhin, vut tawh kibuakin a kisik kik zo ding uh hi.