Marka 6:41 - Tedim Bible

⁴¹ Zeisu in khomun nga leh ngasa tawn nih la a, vantung lam ento-in hehpihna a phat khit ciangin, khomun balnenin mite mai-ah lui dingin a nungzuite a pia hi. Ngasa tawn nih zong amaute khempeuh lakah a hawmsak hi.

Tedim Bible Revision 2017

⁴¹ Tua ciangin Jesu in a anlum nga le a ngasa tawn nihte la a, vantung lam en to-in Pasian tungah lungdamna a ko hi. A anlumte balnen a, mite tungah a piak dingin nungzuite a pia hi. Tua mah bangin ngasa tawn nihte zong amaute khempeuh a hawmsak hi.

Marka 6:41 Referans Kwoze

Mattiu 14:19

Tua ciangin, “Mihonte lopa tungah tusak un,” a cih khit ciangin Zeisu in khomun nga leh ngasa tawn nih la a, vantung lam ento-in hehpihna a phat khit ciangin, khomun leh ngasa balnenin a nungzuite a pia hi. A nungzuite in zong mihonte a lui uh hi.

Marka 7:34

Vantung ento-in khuisa a, kihong ta hen cihnopna-in “Effatha” a ci hi.

Luka 24:30

Sabuai-ah amaute tawh a tutkhawm lai takin khomun la a, hehpihna a phat khit khit ciangin khomun balneenin a pia hi.

Luka 9:16

Zeisu in khomun pum nga leh ngasa tawn nih la a, vantung lam ento-in thupha a piak khit ciangin balnen a, mite mai-ah lui dingin a nungzuite a pia hi.

1 SAMUEL MASA 9:13

Khuapi sung na lut phetun mual tunga biakna-ah an ne dingin a pai ma-in amah na mu ding uh hi; amah in biakpiakna thupha pia ding ahih manin ama pai mateng mite in an ne lo ding uh hi; tua khit ciangin a kisam mite in ne uh hi. Tu-in paito un; bang hang hiam cih leh amah na tuak pah ding uh hi,” a ci uh hi.

1 KORIN MASA 10:31

Tua ahih ciangin note in anneek tuidawn akipan na khempeuh na bawl uh ciangin Pasian’ minthan’ nading ngaihsunin na hih un.

Johan 17:1

Zeisu in hih thute a gen khit ciangin vantung lam ento a, “Pa aw, ahun a tung zo hi. Tapa in nang hong minthan’sak nadingin, na Tapa hong minthangsak in.

Johan 11:41

Tua ahih ciangin amau in suang a lemkhia uh hi. Zeisu dakto a, “Pa aw, nang in keima thu hong ngai na hih ciangin na hehpihna ka phat hi.

Marka 14:22

Amau in an a nek laitakun Zeisu in khomun la a, hehpihna a phat khit ciangin khomun balnenin, “Hih khomun in ka pumpi ahi hi. La un,” ci-in a nungzuite a pia hi.

Kolose 3:17

Kampau ahi zongin, bawlna ahi zongin, na hihna khempeuh uhah Topa Zeisu’ min suangin, tua Topa hangah Pa Pasian’ hehpihna phatin na khempeuh na bawl un.

ROM (Romans) 14:6

Ni a tang mi in Topa hangin a tang hi. An a ne mi in Topa hangin an a ne hi. Bang hang hiam na cih uh leh, amah in Pasian’ hehpihna a phat hi. An ne lo mi in Topa hangin ne lo a, Pasian’ hehpihna a phat hi.

Johan 6:23

Amau in khomun a nekna phual uh tawh kinai Tiberias khua pan gunkuangte hong tung uh hi. Zeisu in a nungzuite tawh tua gunkuang sungah lut khawm loin, a nungzuite bek a pai uh a mu uh hi.

Johan 6:11

Zeisu in khomun la a, hehpihna a phat khit ciangin a tute lakah a hawmsak hi. Tua mah bangin ngasa zong mite’ deih zahzahin a hawm uh hi.

Mattiu 26:26

Amau in an a nek lai takun Zeisu in khomun la a, hehpihna a phat khit ciangin khomun balnenin, “Hih khomun in ka pumpi ahi hi. La un la, ne un,” ci-in a nungzuite a pia hi.

Mattiu 15:36

Tua ciangin, khomun pum sagih leh ngasa la a, hehpihna a phat khit ciangin khomun leh ngasa balnenin a nungzuite a pia hi.

Thu-hilhkikna 8:10

Note in ne-in na gil uh vah ding a, note tungah gam hoih hong piakna hangin Topa na Pasian uh na phat ding uh hi.

Sawltak 27:35

Bang hang hiam na cih uh leh, note samzang khat nangawn kisia lo ding hi,” ci-in a gen khit ciangin Paul in, khomun la a, tua mite mai-ah Pasian’ hehpihna a phat khit ciangin balnenin a ne hi.

Marka 6:40

Amaute in pawlkhat za, pawlkhat sawmnga, a pawlpawlin a tu uh hi.

Marka 6:42

Mi khempeuh in a ne uh a,

Marka 8:19

Khomun pum nga mi tul nga ading ka balnen ciangin, a neng a them seeng bangzah na tawm uh hiam?” ci-in a dot ciangin, “Seeng sawm leh seeng nih,” a ci uh hi.