Marka 6:34 - Tedim Bible

³⁴ Zeisu paikhia a, mihonpi a muh ciangin, a cing om lo tuute tawh kibang hi ci-in hehpihhuai sa a, thu tampi a hilh hi.

Tedim Bible Revision 2017

³⁴ Jesu, tui gei a tun ciangin mi tampi a na om khin mu a, amaute, a cing om lo tuute tawh kibang sa ahih manin a khasiat mahmah hi. Tua hi a, amaute thu tampi tak a hilh hi.

Marka 6:34 Referans Kwoze

Mattiu 9:36

Amah in mihonpite a muh ciangin hehpihhuai a sa hi. Bang hang hiam i cih leh, tua mite in a cing om lo, kikhenthang a, a gim tuute bangin a om uh hi.

Gamlak-vakna 27:17

“Topa’ mihonte a cing nei lo tuute a bat loh nadingin amaute’ mai-ah pai khia-in amaute mai-ah a tum ding, amaute paikhiatpihin amaute a ciahpih ding, mihonte a uk dingin, Topa, mi khempeuh tungah nuntakna a pia Pasian ahi nangmah in mi khat seh in,” a ci hi.

Luka 9:11

Mihonpite in a theih uh ciangin a delh uh hi. Zeisu in amaute hawlkhia loin Pasian’ Gam thu hilh a, dam nading a deihte a damsak hi.

Zekhariah 10:2

Mihingte in milim peuh, thudotin nei uh a, a thu ngahte uh, zuauthu leh a mawkna hi lel hi. Mang khia thei-a kineite in lamlak khial uh a, amau’ hehnepnate, a mawknapi hi lel hi. Tua ahih manin, tuu bangin mite mangthang uh a, makai a neih loh manun gimna ngah uh hi.

Jeremiah 50:6

“Ka mite tuu mangthang bang ahi khin uh hi. Makai tuucingte in mualtung tengah lam khialin a gam man’ pih uh hi. Mual khat panin mual khatah a pai kawikawi uh a, a giahna inn uh a thei nawn kei uh hi.

2 KHANG TANGTHU NIHNATE 18:16

Tua ciangin amah in, “A cing nei lo tuu bangin mualte tungah Israel mi khempeuh a kithehthang ka mu hi; tua ciangin Topa in, ‘Hihte in to nei lo hi; nuam takin a inn ciat uhah ciahsak un,’ ci hi,” a ci hi.

1 KUMPI MASATE 22:17

Tua ciangin amah in, “Tuucing a nei lo tuute bangin mualte tungah Israel mi khempeuh a kithehthang ka mu hi; Topa in, Hihte in makai nei lo hi; amaute lungnuam takin a inn ciat uhah ciah hen,’ ci hi,” a ci hi.

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.

Mattiu 14:14

Zeisu paikhia a, mihonpi a muh ciangin hehpih huai sa a, cinate khempeuh a damsak hi.

Hebru 2:17

Tua ahih ciangin amah in mite mawhna tang ding Pasian tawh kipawl nate ah hehpihna tawh ahi zongin, dikna tawh ahi zongin a dim Siampi Ukpa a suah nadingin, a u a naute tawh a kibat taktak nading thu a om hi.

Mattiu 15:32

Tua lai takin Zeisu in a nungzuite sam a, “Hih mite hehpih huai ka sa hi. Bang hang hiam na cih uh leh, ni thum tawntung kei tawh a omkhawm uh a, an nek ding a nei kei uh hi. Lampi ah a gim ding uh, ka lunghihmawh manin, an ne loin ka paisak nuam kei hi,” a ci hi.

Isaiah 13:14

A kidelh sanang leh a cing om lo tuu bangin mi khempeuh pen amau mite lam ciatah kihei-in, mi khempeuh amau gam ciatah tai ding hi.

Ezekiel 34:5

Tua tuute in a cing ding nei lo uh ahih manin kithehthang gawp uh a, gamlak sate’ an suak lel uh hi.

Marka 6:33

A pai lai takun mite in mu uh a, kimkhat in amaute ahih lam a theih uh ciangin, khuapi khempeuh panin paikhia uh a, tai-in a tung masa uh hi.

Marka 6:35

Ni a tum dektak ciangin a nungzuite Topa kiangah va pai uh a, “Hih lai tak in gamlak ahi hi. Ni lah a tum zo hi.

Marka 8:1

Tua lai takin mihonpi tam kik a, an nek ding a neih loh uh ciangin Zeisu in a nungzuite sam a,

Marka 8:2

“Hih mite hehpihhuai ka sa hi. Bang hang hiam na cih uh leh, ni thum tawntung kei tawh a omkhawm uh hi. An nek ding a nei kei uh hi.