Marka 6:20 - Tedim Bible

²⁰ Bang hang hiam i cih leh, Johan in mi thuman, mi siangthopa ahih Herod in thei ahih ciangin, Johan kihta a, amah a kem hi. Amah in Johan thu a zak ciangin lungmang a, lungdamna tawh ama thu a ngai hi.

Tedim Bible Revision 2017

²⁰ Bang hang hiam cih leh Johan pen a thuman mihoih khat hi, ci-in Herod in ngaihsun ahih manin amah zahtakin siatna a thuak nading panin hu hi. Ama thugente in a lungsim nuam losak hi; ahi zongin a thugen za nuam veve hi.

Marka 6:20 Referans Kwoze

Mattiu 21:26

“Mi tung pan hong piang hi,’ ci leeng, mite i kihta hi. Bang hang hiam i cih leh mi khempeuh in Johan kamsangpa a sa uh hi,” ci-in khat leh khat a kikup khit uh ciangin,

Mattiu 14:5

Herod in Johan a thah nop hangin mihonpite in Johan Pasian’ kamsangpa hi sa uh ahih ciangin a lau hi.

Johan 5:35

Amah in kuanga a taang meivak hi a, note in ama khuavakna-ah tawlkhat nopsak ding bek na ut uh hi.

Marka 11:18

Siampi liante leh laitheite in a zak uh ciangin, Zeisu thah nading thu a zong uh hi. Bang hang hiam i cih leh, mihonpite khempeuh in Zeisu’ thuhilhna lamdangsa mahmah uh ahih ciangin, amaute in amah a kihta uh hi.

Marka 4:16

Tua mah bangin, suang lakah a kiate in thu a zak uh ciangin, lungdamin a mang pah uh hi.

Daniel 5:17

Daniel in kumpipa kiangah, “Letsong pen kei hong pia kei in la, midang khatpeuh pia zaw in. Ahi zongin tua lai kigelh kong simsak ding a, a khiatna kumpipa kong hilh ding hi.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei in la, dik takin gamta in. Mizawngte hehpih leteh, tua in a sia a na gamtatna sate hong puahsak dinga na nuamsa toto ding hi,” a ci hi.

Daniel 4:18

Keimah Nebukhadnezzar Kumpipa in, Belteshazzar aw, ka mangmat pen hi bang ahi hi. Tu’n a khiatna hong gen in. Ka thudot mite khat beek a khiatna a hong gen thei a om kei uh hi. Ahi zongin nang sungah a siangtho pasiante’ kha om ahih manin na hong gen thei ding hi,’ ka ci hi,” a ci hi.

Ezekiel 33:32

Amaute’ adingin nang pen mite’ lungnop nadingin zawl la sa-in lasaknate a tum mipa tawh na kibang lel hi. Na thugen khempeuh hong ngai napi uh, khat beek zui lo uh hi.

2 KHANG TANGTHU NIHNATE 26:5

Pasian zahtak ding ama tungah a hilh Zekhariah’ hun sung teng amah in Pasian zong hi; amah in Topa a zon’ lai teng, Pasian in amah daupai sak hi.

2 KHANG TANGTHU NIHNATE 24:2

Joash in siampi Jehoiada’ hun sung khempeuh Topa’ mit-ah a man gamta hi.

2 KUMPI NIHNATE 13:14

Tu-in amah a sih nading natna tawh Elisha a nat ciangin, Israel kumpipa Jehoash ama kiangah paisuk a, ama mai-ah kapin, “Ka pa, ka pa! Israel mite’ leengte leh sakol galkapte!” ci-in kiko hi.

2 KUMPI NIHNATE 6:21

Israel kumpipa in amaute a muh ciangin amah in Elisha kiangah, “Ka pa aw, amaute ka that ding hiam? Amaute ka that ding hiam?” a ci hi.

1 KUMPI MASATE 21:20

Ahab in Elijah kiangah, “Ka galpa aw, kei hong mu na hi hiam?” a ci hi. Amah in dawngin, “Topa muhna ah a sia gamta dingin nangmah kipia tawm na hih manin nangmah kong mu hi.

Paikhiatna 11:3

Topa in Izipt mite’ muhna-ah mipa maipha pia hi. Tua tham loin, Moses pen Izipt leitang tung, Faro’ nasemte’ muhna leh mite’ muhna-ah lian mahmah hi.

Sawltak 5:24

Biakna innpi ukpa leh siampite in hih thu a zak uh ciangin, hih thu in bangci thu hi ding hiam ci-in a lunghimawh uh hi.