Marka 6:15 - Tedim Bible

¹⁵ Mi kimkhat in, “Hih mi in Elijah ahi hi,” a ci uh hi. Midangte in, “Tanglai kamsangte khatpeuh tawh kibang, kamsangpa ahi hi,” a ci hi.

Tedim Bible Revision 2017

¹⁵ Ahi zongin a dangte in, “Elijah hi,” ci uh a, pawl khat leuleu in, “Tanglai-a kamsangte mah bangin kamsang khat hi,” a ci uh hi.

Marka 6:15 Referans Kwoze

Mattiu 21:11

mihonte in, “Hihpa in Galile gam Nazareth khua kamsangpa Zeisu hi,” a ci uh hi.

Marka 8:28

Amaute in, “Baptaizpa Johan,” a ci uh hi. Kimkhat in, ‘Elijah,’ a ci uh hi. Ahih hangin midang kimkhat in, ‘Kamsangpa khatpeuh,’ a ci ciat uh hi,” ci-in a gen uh hi.

Mattiu 16:14

Amaute in, “Mi kimkhat in, ‘Baptaizpa Johan,’ a ci uh hi. Kimkhat in, ‘Elijah’ a ci uh hi. Midangte in, ‘Jeremiah akipan Pasian’ kamsangte khatpeuh hi,’ a ci ciat uh hi,” ci-in a gen uh hi.

Malakhi 4:5

“Ahi zongin tua a lauhuai a lian mahmah Topa’ ni hong tun’ ma-in note kiangah kamsangpa Elijah kong paisak ding hi.

Johan 9:17

Tua ciangin khatvei amau in, “Na mit hong vaksakpa kua tawh kibang ahi hiam? Bangci na ngaisun hiam?” ci-in mittaw ngeipa a dong uh hi. Amah in, “Pasian’ kamsangpa ahi hi,” a ci hi.

Johan 7:40

Tua ahih ciangin mihonpi kimkhat in tua thu a zak uh ciangin, “Hih pa in aman takpi-in kamsangpa ahi hi,” a ci uh hi.

Johan 6:14

Tua bangin Zeisu in nalamdang a bawl tua mite in a muh uh ciangin, “Hih pa in leitungah hong pai ding Pasian’ kamsangpa taktak ahi hi,” a ci uh hi.

Johan 1:25

Amaute in, “Khazih hi lo, Elijah hi lo, kamsangpa hi lo na hih leh, bang dingin na baptaiz hiam?” ci-in a dongkik uh hi.

Johan 1:21

Tuate in zong, “Tua ahih leh, nang kua na hi hiam? Elijah na hi hiam?” ci-in a dot uh ciangin amah in, “Elijah ka hi kei hi,” a ci hi. “Pasian’ kamsangpa na hi hiam?” a cih uh ciangin, “Ka hi kei hi.” ci-in a dawngkik hi.

Luka 9:19

amaute in, “‘Baptaizpa Johan,’ a ci uh hi. Kimkhatte in, ‘Elijah,’ a ci uh hi. Midangte in, ‘Tanglai kamsangte khatpeuh a hingkik hi,’ a ci ciat uh hi,” ci-in a gen uh hi.

Luka 9:8

Mi kimkhat in, “Elijah hong kilang kik zo hi,” a ci uh hi. Mi kimkhat in, “Tanglai kamsangte khatpeuh mah a thokik zo hi,” a ci uh hi.

Luka 7:39

Zeisu an a vak Farisaipa in a muh ciangin, “Hih mi in Pasian’ kamsangpa ahih takpi leh, a lawng hih numei in bang mi ahi, a gilo numei hi, ci-in a thei ding hi,” ci-in a lungsim sungah a gen hi.

Luka 7:16

Zeisu in tua pa a nu kiangah a pia hi. Mi khempeuh in lau uh a, “A lian mahmah kamsangpa in eite lakah hong piang zo hi. Pasian in ama mipawlte kiangah hong hawh zo hi,” ci-in Pasian’ min a phat uh hi.

Luka 1:17

A pate’ lungsim un tate kiangah kiheisak nading ahi zongin, thu ngai lo mite in midikte’ pilna lampi ah kiheisak nading ahi zongin, Topa ading a kibawlkhol mite a pian’ nading ahi zongin amah in Elijah’ lungsim leh vangliatna tawh Pasian mai-ah a pai ding hi,” ci-in a gen hi.

Marka 6:16

Ahih hangin Herod in a zak ciangin, “A ngawng ka tansak Johan a thokik zo hi,” a ci hi.