Marka 6:14 - Tedim Bible

¹⁴ Tua lai takin Herod kumpipa in tua thu za hi. Bang hang hiam i cih leh, Zeisu min a thang hi. “Baptaizpa Johan in sihna pan a thokik zo hi. Tua ahih ciangin, hih vangliatna in ama tungah a kilang hi,” a ci uh hi.

Tedim Bible Revision 2017

¹⁴ Kumpi Herod in Jesu thu a kigengenna thu a za hi. Mi pawl khat in, “Tuiphumpa Johan, sihna panin hingkik hi. Tua ahih manin hih vangliatnate nei hi,” a ci uh hi.

Marka 6:14 Referans Kwoze

1 THESALONIKA MASA 1:8

Bang hang hiam na cih uh leh, note kiang panin Topa thu in Makedonia gam leh Akhaia gamah kizeel tham loin, note in Topa’ thu na upna uh mun khempeuh a tung hi. Tua ahih ciangin kote in bangmah ka gen ding uh a om kei hi.

Luka 13:31

Tua lai takin Farisaite kimkhat hong pai uh a, “Paikhia in la, tai in. Herod in nang hong that nuam hi,” a ci uh hi.

Luka 3:1

Kaisar kumpipa Tiberias a man’ zawh kum sawm leh kum nga ciangin, Judah gamah Pontias Pilat mangpi hi a, Galile gamah Herod menzi hi a, Iturea gam leh Trakhonis gamah Herod’ nau Filip menzi hi a, Abilene gamah Lisanias menzi hi a;

Marka 8:28

Amaute in, “Baptaizpa Johan,” a ci uh hi. Kimkhat in, ‘Elijah,’ a ci uh hi. Ahih hangin midang kimkhat in, ‘Kamsangpa khatpeuh,’ a ci ciat uh hi,” ci-in a gen uh hi.

Marka 1:45

Ahih hangin tua pa paikhia a, a thu genthangin a kizeelsak hi. Tua ahih ciangin Zeisu in a nung ciangin a kilangin khua sungah tum thei lo a, khuanawl gampa lakah a om hi. Mun khempeuh panin a kiangah mite a pai uh hi.

Marka 1:28

Thakhatin ama thu in Galile gam sung khempeuh kizeel hi.

Mattiu 9:31

Ahih hangin amau tegel paikhia uh a, tua thu gamsung khempeuh zelin a thangsak uh hi.

2 KHANG TANGTHU NIHNATE 26:15

Amah in thaltangte leh suang liante lot nadingin tausang omna munte leh a kiute ah koih ding, mi a siamte in a bawltawm sette, Jerusalem ah bawl hi. Amah a thahat dong a lamdangpi khatin kihuh ahih manin ama minthan’na in gamlapi zel hi.

2 KHANG TANGTHU NIHNATE 26:8

Ammon mite in Uzziah tungah siah puak uh a, amah a thahat mahmah suak ahih manin a minthan’na in Izipt gamgi ciang dong nangawn zel hi.

Luka 9:19

amaute in, “‘Baptaizpa Johan,’ a ci uh hi. Kimkhatte in, ‘Elijah,’ a ci uh hi. Midangte in, ‘Tanglai kamsangte khatpeuh a hingkik hi,’ a ci ciat uh hi,” ci-in a gen uh hi.

Hebru 2:4

Tua teci a pang mite tawh Pasian in lim tawh ahi zongin, a lamdang nate tawh ahi zongin, nalamdang tuamtuamte tawh ahi zongin, ama deihna bang a hawmsak Kha Siangtho piak thupha tawh ahi zongin teci a pang khawm hi.

Luka 7:17

Tua thu in Judah gam khempeuh akipan a kimkot gam sung khempeuh ah a kizeel khin hi.