Marka 6:11 - Tedim Bible

¹¹ Mun khat peuhah mite in hong nolh a, na thu uh a ngaih kei uh leh, amau omna pan na paikhiat uh ciangin, amau lang khatah teci pang dingin, na khepeek nuai uh ah leivuite na singkhia un,” ci-in thu a pia hi.

Tedim Bible Revision 2017

¹¹ Na paina uh khua khatpeuh in note hong sang loin, na thuhilhna uh hong ngaih nop kei uh leh, tua khua nusia-in, na khe uh a leivui baangte sinsan un. Tua pen amaute adingin hilhkholhna ahi hi,” ci-in a vaikhak hi.

Marka 6:11 Referans Kwoze

Sawltak 18:6

Judah mite in thu nial uh a, a selpho uh ciangin Paul in langpanna tawh ama puan singkhia-in, “Note’ si uh note lu tungah om ta hen! Keimah ka siang hi. Tu-a kipanin Gentailte kiangah ka pai ding hi,” a cih khit ciangin

Nehemiah 5:13

Tua ciangin kei zong ka puan singin, “Hih thuciamna a tungsak lo peuhmah a inn leh a neihsa panin Pasian in singkhia ta hen. Hih bangin kisingkhia hen la, hawmsuak hen!” ka ci hi. Tua ciangin a kikhawmte khempeuh in, “Amen,” ci uh a, Topa phat uh hi. Tua hi a, a ciamsa bangun mite gamta uh hi.

Juda 1:7

Tua mah bangin Sodom leh Gomorrah khuapi akipan a kimkot ah a om khuapite zong tua mite bangin a kihhuai noptatna ah gamta-in, a man lo pumpi’ deihna lungsim zui uh ahih maninah, meikuang tawntung daan thuakin, thu hilhkholh nading lim ahihna uh a kilang hi.

1 JOHAN MASA 4:17

Tua bangin eite in ki-itna tawh i dim maninah thukhen Ni ciangin lau lohna thu i ngah ding hi. Bang hang hiam na cih uh leh, eite in amah bangin leitungah i piang hi.

2 PETER NIHNA 3:7

Tu-in a om van leh lei in Pasian bia lo mite kisiatna thukhen ni ading, tua thu hangin mei khul nadingin a kikoih khol zo hi.

2 PETER NIHNA 2:9

Tua ahih ciangin Topa in Pasian a biate ze-etna sung pan gumkhia ding ahi zongin,

2 PETER NIHNA 2:6

Sodom leh Gomorrah khuapite, mei vut suakin, cip siatna daan thu khen a, a nung ciangin Pasian bia lote adingin limin a koih hi.

ROM (Romans) 2:16

Ka thuhilh Lungdamna Thu bangin Pasian in Zeisu Khazih tawh mite’ selsim lungngaihna a khen Ni ciangin tua bangin a khen ding hi.

ROM (Romans) 2:5

Tua bangin na lungkhauh leh, a kisik nuam lo na lungsim mah bangin Pasian’ hehna leh Pasian’ thuman thukhenna a kilat Ni ciangin na pumpi tungah hehna na khol hi.

Luka 9:5

Mi khatpeuh in note hong nolh leh, amau khua pan na paikhiat uh ciangin, amau lang khatah teci a pang dingin, na khepeek nuai-a leivuite na singkhia un,” ci-in thu a pia hi.

Mattiu 12:36

Ke’n kong cih-inah, mite in mawkna kampauna khempeuh hangin thukhen ni ciangin teldotna a thuak ding uh hi.

Marka 6:10

Inn khat peuhah na lut uh leh, tua khua pan na paikhiat matengun tua innah va om un.