Marka 5:41 - Tedim Bible

⁴¹ a khut lenin, “Talitha kumi,’ a ci hi. A khiatna in, “Numeino aw, tho in kong ci hi,” a cihnopna hi.

Tedim Bible Revision 2017

⁴¹ Tua ciangin numeinoʼ khut lenin, “Numeino aw, tho in,” a cihna, “Talitha kumi,” a ci hi.

Marka 5:41 Referans Kwoze

Marka 1:31

Zeisu in va nai a, tua numei khut len a, a phot leh, a nattun’ dam a, zinte a vak hi.

Filippi 3:21

Topa in na khempeuh ama nuai-ah a khia thei, a bawlphatna vangliatna hangin a ginalo eite pumpi, minthan’na tawh a dim pumpi a suahsak nadingin hong kikheelsak ding hi.

ROM (Romans) 4:17

“Ke’n nangmah mipawl tampite’ pa ka hong suaksak zo hi,” ci-in Lai Siangtho sungah a kigelh mah bangin a site thosak a, a piang nai lote a piangsa bangin a ciamtehpa Pasian ahi, amah in a up Pasian mai-ah Abraham in eite khempeuh’ pa ahi hi.

Late 33:9

Bang hang hiam cih leh amah pau a, hong piang hi; thu pia a, hong om hi.

Piancilna 1:3

Pasian in, “Khuavak om ta hen,” ci hi; tua ciangin khuavak om pah hi.

Marka 1:41

Zeisu in hehpihhuaisa-in a khut zanin lawng a, “Ka hih nuam hi, na dam ta in,” a cih leh,

Marka 5:40

Tua mite in zahpihin a nuihsan uh ciangin Zeisu in amaute khempeuh hawlkhia a, numeino’ pa leh a nu tawh amah tawh a omkhawm mite a sap khit ciangin numeino’ omna phualah tum a,

Marka 5:42

Thakhatin numeino tho pah a, kalsuan hi. Bang hang hiam i cih leh, amah in kum sawm leh kum nih a pha zo hi. Amaute in thakhatin lamdang a sa mahmah uh hi.