Marka 5:33 - Tedim Bible

³³ Numei in amahmah tungah bang thu a piang cih thei ahih ciangin lau-in liing a, Zeisu kiangah pai-in a thu khempeuh tel takpi-in a gen hi.

Tedim Bible Revision 2017

³³ Tua numei in ama tunga thupiang thei ahih manin laukawm liingkawmin hong pai-in a khe phung ah hong bok a, a thupiang khempeuh ahi bangbangin a hong gen hi.

Marka 5:33 Referans Kwoze

Luka 8:47

Numei in amah bu zo lo ci-in a theih ciangin, liingin hong pai a, Zeisu mai-ah bokin, bang hangin Zeisu lawnga thakhatin bangci damna a ngah pah thu, mi khempeuh mai-ah a gen hi.

Luka 1:29

Mari in tua thugenna hangin lungmang a, “Hih hopihna in bangci bang hopihna ahi ding hiam?” ci-in a ngaihsun hi.

Luka 1:12

Zekhariah in vantungmi a muh ciangin lunghimawhin a lau hi.

Marka 4:41

Amaute in lau mahmah uh a, “Hih pa in kua mi ahi hiam? Huih leh tuipi nangawn in a thu ngai tazen uh hi,” ci-in khat leh khat a kikum uh hi.

Late 66:16

Pasian zahtak note khempeuh aw, hong pai un la, za un, kei’ adinga ama bawlsate kong gen ding hi.

Late 30:2

Topa ka Pasian aw, huhna ngenin na tung kong awng a, kei nong damsak khin hi.

Marka 5:32

Zeisu in a lawng pen a muh nadingin a kimkot a en hi.

Marka 5:34

Zeisu in, “Ka tanu aw, na upna in nang hong damsak zo hi. Nuam takin na ciah in, na cidam ta in,” a ci hi.