Marka 5:24 - Tedim Bible

²⁴ Zeisu in tua pa tawh paikhawm a, mi tampite in a nung zui-in a phukha uh hi.

Tedim Bible Revision 2017

²⁴ Jesu zong, tua mipa tawh a paikhia khawm hi. Mi tampi tak in zong zui uh ahih manin Jesu a nehcip uh hi.

Marka 5:24 Referans Kwoze

Marka 5:31

A nungzuite in, “Mi tampi in Topa hong phukha na mu napi-in, ‘Kua in hong lawng hiam?’ ci-in na dong hi,” a ci uh hi.

Luka 7:6

Zeisu in amaute tawh a paikhawm hi. Galkap mangpa’ inn hong naih uh ciangin, galkap mangpa in a lawmte khat sawlin “Topa aw, na kigimsak kei in. Keima inn khum nuai-ah nong lut dingin ka kilawm kei hi.

Marka 3:20

Zeisu innah lut a, an kine thei lo zawzenin mihonpite khatvei a kikhawm kik uh hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Luka 19:3

Tua pa in Zeisu bang mi ahi hiam ci-in a mu nuam hi. Ahih hangin a tun’ tom mi ahih ciangin mi a tam luat manin a mu thei kei hi.

Luka 12:1

Tua lai takin khat leh khat khe kisik kha dongin mi tul tampite a kikhawm uh hi. Zeisu in a nungzuite kiangah a gen masak pen-inah: “Mi simtatna ahi Farisaite’ silngo kikem un la, na tang un.

Luka 8:45

Zeisu in, “Kua in hong lawng hiam?” ci-in a dong hi. Mi khempeuh in a nial uh ciangin Piter in, “Topa aw, mihonpite in nang hong phukha a, hong sukha uh hi,” a ci hi.

Luka 8:42

Bang hang hiam i cih leh, kum sawm leh kum nih a pha tanu khat nei a, tua a tanu si dek tak hi. Zeisu a pai lai takin, mihonpi in amah a phukha uh hi.

Marka 5:23

“Ka tanu a si dektak zo hi. Topa hong pai-in, damkik a, a hin’ theih nadingin ama tungah na khut ngak nadingin kong ngen hi,” ci-in a thuum hi.

Marka 5:25

Tua lai takin kum sawm leh kum nih tawntung si luang cinatna vei a,

Luka 11:29

Mihonpite in Zeisu kiangah a kikhop lai takun amah in, “Hih khang mite in mi gilote ahi uh hi. Amau in lim a zon’ uh hangin Jonah lim longal, lim dang amau tungah a kilak kei ding hi.